Erdi Aroko Feudalismoa eta Estamentu Gizartea

Feudalismoaren Ezaugarri Nagusiak

• 1. Noble bakoitzak bere lurraldeen jabetza lortu zuen.
• 2. Nobleek erregearen nagusitasuna onartzen zuten itun baten bidez. Nobleak zeremonia batean egiten ziren erregearen basailu. Zeremonia horretan leialtasuna, laguntza militarra eta gobernatzeko aholkua zin egiten zioten.
• 3. Nobleek ere beren basailuak izan zitzaketen.

Estamentu Gizartea

• Nobleak: Zaldunak eta haien familiak ziren. Haien eginkizuna guda egitea edo gainerako biztanleak babestea zen.
• Klerikoak: Fraideak eta apaizak ziren. Otoitz egin behar zuten pertsonen salbazio espirituala lortzeko.
• Langileak: Gehienak nekazariak ziren, baina bazeuden eskulangileak eta merkatariak ere.

Nobleek eta klerikoek estamentu pribilegiatua osatzen zuten; ez zuten zergarik ordaintzen eta ez zuten eskulanik egiten.

Noblezian Sakontzen

• 1. Noble guztiek ez zuten botere bera: batzuk feudo handi batzuen jabeak ziren eta beste batzuk armen eta zaldien jabe soilik.
• 2. Gerra zen nobleen jarduera nagusia.
• 3. Nobleen seme-alabak txikitatik prestatzen zituzten militarrak izateko.
• 4. Nobleek beti egon behar zuten gerrarako prest.
• 5. Gerra pizten bazen, errege-erreginek zaldunei deitu eta laguntza militarra eskatzen zieten.

Klerikoen Bizimodua

• 1. Erromako Aita Santua Elizaren burua zen eta berezko estatu bat ere gobernatzen zuen.
• 2. Parrokiak eta monasterioak, neurri batean, jaun feudalak bezalakoak ziren.
• 3. Fraideen eginkizun nagusiak otoitz egitea eta meditatzea ziren.
• 4. Fraide batzuek monasterioko liburutegian liburuak kopiatzen eta irudi txikiz apaintzen zituzten.

Nekazariak eta Herri Xehea

• 1. Erdi Aroko biztanleen ehuneko 90 ziren. Oso nekazari gutxi ziren beren lurren jabe; gehienak feudo baten bizi ziren.
• 2. Nekazariak herrixka txikietan bizi ziren.
• 3. Autosufizienteak ziren; behar zuten guztia ekoizten zuten.
• 4. Nekazarien maila oso apala zen. Gaizki elikatzen ziren eta askotan ez zuten elikagai nahikorik.

Glosarioa eta Kontzeptu Gakoak

• Feudoa: Jaun batek basailu bati ematen zizkion lurrak.
• Feudalismoa: Erdi Aroko gizarte-sistema zen.
• Estamentua: Erdi Aroko gizarte-mailak ziren.
• Jopuak: Jaunaren aginpidean zeuden nekazariak ziren.
• Hamarrena: Elizari ordaintzen zioten uztaren portzentaje bat.
• Lurgorria: Lursailaren erdia lantzen zuten eta bestea lurgorri uzten zuten emankortasuna berreskuratzeko.