Enpresaren Zuzendaritza: Funtzioak eta Antolakuntza

Zuzendaritza: Enpresaren Administrazio Funtzioak

Enpresa bat administratzeko, ezinbestekoa da momentu guztietan zenbait zuzendaritza-eginkizun edo ardura betetzea. Ardura horiei administrazioaren funtzioak deritze.

1. Plangintza Funtzioa

Helburu batzuk finkatu, horiek lortzeko estrategiak markatu, enpresaren politika ezarri eta erabaki-irizpideak zehaztean datza planifikazio-funtzioa.

Planen sailkapena denbora-dimentsioaren arabera:

• Epe luzeko planak: 5 urtetik gorakoak.
• Epe ertaineko planak: 1-5 urte bitartekoak.
• Epe laburreko planak: Ekitaldi ekonomikoa dute muga gisa.

2. Antolakuntza Funtzioa

Enpresa osatzen duen pertsona bakoitzaren funtzioa, erantzukizuna eta agintea definitzen dituen egitura diseinatzea helburu duen funtzioa da.

Barne komunikazioa

• Barne komunikazio bertikala:
  • Goranzkoa: Langileetan hasi eta zuzendarietan amaitu. Helburua zuzendariek langileen kexkak eta arazoak ezagutzea da.
  • Beheranzkoa: Jatorria zuzendariengan eta bukaera langileetan. Helburua langileei helburuak eta horiek lortzeko jarraibideak adieraztea da.
• Barne komunikazio horizontala: Departamentu desberdinetako pertsonen artekoa da; nahitaezkoa da enpresak ondo funtziona dezan.

3. Antolakuntza Formala eta Informala

Antolakuntza formala: Enpresaren elementu bakoitza dagokion leku egokienean kokatzen duen egitura da.

• Antolakuntza-egitura:
  • Funtzioen araberako departamentuen banaketa (adibidez, finantza-departamentua).
  • Produktuen araberako departamentuen banaketa (adibidez, botika eta kosmetika produktuak).
  • Prozesuen araberakoa (adibidez, tindaketa eta lisaketa departamentuak).

Antolakuntza informala: Zuzendaritzak edo enpresaren antolakuntzak aurrez aurretik ezarri ez dituen erlazio pertsonalen eta sozialen multzoa da.

4. Kudeaketa Funtzioa

Enpresa osatzen duten pertsonek markatutako helburuak lortzeko beharrezkoak diren lanak egitea da.

• Goi-zuzendaritza: Enpresaren goi-karguak. Epe luzera planifikatzen dute eta funtzionamendu orokorra gainbegiratzen dute.
• Maila ertaineko zuzendariak: Departamentu-buruak. Planifikazio orokorraren gauzatzeaz eta kontrolaz arduratzen dira.
• Kudeaketa-maila: Planen gauzatze zuzenaren erantzukizuna duten zuzendariak. Langileei lanak agintzen dizkiete.

Zuzendariaren funtzioak eta estiloa

• Funtzioak: Lan egokiak aukeratu, langileei transmititu, instrukzioak eman eta lan-baldintza egokiak sortu motibazioa sustatzeko.
• Zuzendaritza-estiloa: Autoritarioa, demokratikoa edo mistoa.

5. Kontrol Funtzioa

Planifikazioa egin zenean aurreikusi zen bezala ateratzen ari dela egiaztatzea da. Planifikazioa eta kontrol-funtzioa oso lotuta daude.

Kontrol-etapak:

• Estandarrak markatu: Normaltzat hartzen diren neurriak ezarri.
• Jarduerak neurtu: Jardueraren faseak pausuz pauso aztertu.
• Desbiderapenak zuzendu.

Kontrol teknikoak:

• Auditoria:
  • Barne-auditoria: Enpresaren barruan kontrol-mekanismo gisa egiten da.
  • Kanpo-auditoria: Enpresatik kanpoko profesional independenteek egiten dutena.
• Aurrekontuaren kontrola: Kostuen eta diru-sarreren arteko erlazioa betetzen dela kontrolatzea.
• Estatistika: Datu historikoak tratatzea, ondorioak atera eta aurreikuspenak egiteko.