Zelula Eukariotoen Organuluak eta Funtzioak

Zelula Eukariotoen Osagaiak

• Zitoplasma: Zelula-mintza eta nukleoaren artean dagoen espazioa da. Hialoplasma izeneko substantzia likido batez osatuta dago, eta bertan gertatzen dira erreakzio kimikoak.
• Bakuoloak: Ura, konposatu inorganikoak, molekula organikoak eta zenbait entzima dituen konpartimentu itxiak dira.
• Zelula-mintza: Zelula kanpo-eraginetatik babesteko eginkizuna du, eta substantzien arteko trukea baldintzatzen du.
• Mitokondriak: Zelula eukariotoetan dauden baba itxurako organuluak dira. Zelularen energia-beharrak asetzen dituzte eta arnasketa zelularra burutzen dute.
• Erretikulu endoplasmatikoa: Substantzia toxikoak suntsitzen dituen eta proteinak eta gantzak garraiatu eta biltegiratzen dituen organulua da.
• Erribosomak: Organulu globularrak dira, eta proteinen sintesian parte hartzen dute.

Nukleoaren Egitura

• Nukleoaren mintza: Bikoitza izaten da eta zitoplasmarekin substantziak trukatzeko poroak ditu. Material genetikoa isolatzeko eginkizuna betetzen du.
• Nukleoplasma: Nukleoaren baitan dagoen likidoa da, hialoplasmaren antzekoa. Bertan erreakzio kimikoak gertatzen dira.
• Kromatina: ADNzko zuntz-sareak eta proteinak dira. Zelularen informazio genetikoa garraiatzen dute. Zelula zatitzean, kromosoma izeneko egiturak eratzen dituzte.
• Nukleoloak: Nukleoan dauden egitura esferikoak dira; bere funtzioa erribosomak eratzea da.
• Zuku nuklearra: Hialoplasmaren antzeko substantzia da.

Landare-zelulen Bereizgarriak

• Bakuoloak: Landare-zeluletan, animalia-zeluletan baino askoz handiagoak dira.
• Pareta zelularra: Zelula inguratzen duen geruza gotorra da. Zelulei babesa, gogortasuna eta balantze osmotikoa ematen die. Zelulosaz osatuta dago.
• Kloroplastoak: Landare-zeluletan soilik dauden organuluak dira. Fotosintesiaren prozesuan zeregin garrantzitsua betetzen dute, klorofila baitute.