As Vangardas Literarias en Galicia: Movementos e Autores

Movementos das vangardas

• Futurismo: defende que a arte debe reflectir o mundo moderno, por iso exalta a velocidade.
• Cubismo: formas xeométricas para a representación dos obxectos.
• Dadaísmo: pretende plasmar o caos e reflectir o absurdo que sente o artista perante a crise social xerada pola 1ª Guerra Mundial.
• Surrealismo: movemento liderado polo francés André Breton, que leva a valorar os soños e incorporar as ideas da psicanálise de Freud.

As vangardas en Galicia

Nos anos vinte e trinta prodúcese en Galicia unha fonda renovación literaria. As limitacións sociais en que se desenvolvía a cultura galega impediron o desenvolvemento pleno de movementos vangardistas. O manifesto poético Máis Alá (1922) e as revistas literarias son as mostras máis significativas do papel das vangardas en Galicia:

• Alfar, na Coruña.
• Papel de Color, dirixida por Álvaro Cunqueiro.
• Resol, creada por Seoane.
• Yunque, en Lugo.

Manuel Antonio

• De catro a catro
• Con anacos do meu interior, Foulas, Sempre e máis despois, Viladomar.

Máis Alá

Principal texto teórico que deu a vangarda en Galicia, de Manuel Antonio e Álvaro Cebreiro. Atopamos unha paixón revolucionaria, loanza polo individualismo e unha crítica do ruralismo e de conceptos estéticos que se consideraban caducos; fai unha forte defensa da lingua e do ideario nacionalista.

De catro a catro, de Manuel Antonio

Subtítulo: Follas sen data dun diario de abordo. Compúxoo durante unha das súas navegacións. Contén 19 poemas. É o diario dunha viaxe física polo mar e, ao tempo, dunha viaxe interior marcada pola soidade e a ausencia.

Álvaro Cunqueiro

Libros de poesía: Mar ao norde, Poemas do si e non, Cantiga nova que se chama riveira.

Textos narrativos: Merlín e familia, As crónicas do sochantre, Se o vello Sinbad volvese ás illas, Escola de menciñeiros, Xente de aquí e acolá, Os outros feirantes.

Os mundos narrativos de Cunqueiro

• Mestura de realidade e fantasía.
• Utiliza técnicas propias da narración realista.
• Os personaxes das súas obras proceden de vellos mitos doutras culturas.
• O humor, outra das características esenciais de Cunqueiro.