Las reformas republicanas en España: militar, religiosa, territorial y agraria
español con un tamaño de 2,15 KB AS REFORMAS REPUBLICANAS
O novo goberno emprendeu a labor de reformar o país nun sentido democrático, laico e descentralizado, co obxectivo de modernizar a economía e a sociedade española.
A reforma militar
O goberno elaborou unha lei de retiros que posibilitou a xubilación de case a metade dos oficiais. Someteuse o exército ao poder civil, reduciuse o número de capitanías xerais e cambiáronse aqueles mandos do exército considerados contrarios á República.
A reforma relixiosa e educativa
Intentouse diminuír o peso da Igrexa católica e a súa influencia na educación. A nova Constitución separou a Igrexa do Estado e aboliuse o orzamento de culto e clero, prohibiuse aos relixiosos exercer a docencia e disolveuse a Compañía de Xesús.
Introducíronse o matrimonio e o enterro civís e elaborouse unha lei de divorcio. O goberno tratou de promover unha educación laica e o Estado asumiu a responsabilidade da escola pública. Destináronse grandes investimentos a realizar construcións escolares e a incrementar o número de profesores.
A reforma territorial
A Constitución abriu o camiño á descentralización do Estado, ofrecendo a posibilidade de elaborar estatutos de autonomía e establecer gobernos autónomos.
- Cataluña: o goberno provisional da Generalitat redactou un Estatuto de Autonomía.
- País Vasco: comezouse a redacción do estatuto.
- Galicia: o inicio da Guerra Civil freou o proceso autonómico.
A reforma agraria
A República abordou o problema do latifundismo. En algunhas zonas de España, en Andalucía e Extremadura, existían centos de miles de xornaleiros sen terras e en situación de miseria, mentres que a propiedade se concentraba en mans dun centenar de propietarios.
Unha lei do goberno decretou expropiables os grandes terreos que non se cultivaran e permitiu distribuílos entre os campesiños en terras. O Instituto de Reforma Agraria (IRA) era o organismo encargado de indemnizar os propietarios e de facilitar o asentamento ás familias campesiñas.