A Prosa Galega entre 1936 e 1975: Autores e Obras Clave

A prosa galega entre 1936 e 1975: Os renovadores

A fundación da editorial Galaxia, obra dun grupo de persoas vencelladas ao Partido Galeguista, foi o feito cultural máis importante deste período.

A produción narrativa interrómpese tras o golpe de estado de 1936. A primeira novela de posguerra é A xente da Barreira de Carballo Calero. A partir de aquí prodúcese un asentamento do xénero que permite a aparición de clásicos galegos. Como resultado das distintas xeracións e experiencias literarias individuais xorden:

1. Os continuadores da tradición narrativa do Grupo Nós: temática centrada na decadencia da fidalguía. Autores como Carballo Calero e Otero Pedrayo.
2. O realismo popular: caracterízase pola orientación rural, a localización xeográfica, o dialectalismo lingüístico, a sinxeleza argumental e o humorismo. Exemplo: Ánxel Fole.
3. O realismo fantástico: mestura de elementos populares e imaxinación. Exemplo: Álvaro Cunqueiro.
4. O realismo social: centrado nas problemáticas sociais e urbanas. Exemplo: Eduardo Blanco Amor.

Ánxel Fole

Un dos grandes mestres da narrativa breve en galego. Os seus primeiros traballos narrativos aparecen na revista "Nós" no ano 1935 e en "El Pueblo Gallego". Obras destacadas inclúen: Á lus do candil, Terra brava, Contos de néboa, Historias que ninguén cre.

Álvaro Cunqueiro

O seu primeiro libro de poemas publícase un ano despois de entrar a formar parte do Partido Galeguista. Co comezo da posguerra comeza a súa etapa prosista. Obras coñecidas son: Merlín e familia, As crónicas do sochantre, Se o vello Simbad volvese ás illas, Xente de aquí e de acolá, Os outros feirantes, Herbas aquí e acolá.

Características da obra de Cunqueiro

• Técnica de historias interpoladas no discurso argumental.
• Creación de espazos fóra da realidade cotiá.
• Importancia da oralidade e a lingua popular.
• Gran variedade de personaxes galegos.
• Estrutura narrativa definida.

Eduardo Blanco Amor

Fundou a revista galega "Terra" e ingresou na redacción do diario "La Nación". Coñeceu os principais nacionalistas e escritores casteláns, defendeu a legalidade do Estatuto de Autonomía e impulsou a lingua galega.

A acción das súas obras desenvólvese a miúdo en Auria (Ourense), escritas en primeira persoa e cheas de personaxes memorables. Obras principais: Romances Galegos, A Esmorga, Os biosbardos, Xente ao lonxe, Os Nonnatos, A contrapelo, A escaleira de Jacob, Proceso en Jacobusland.

Xosé Neira Vilas

A súa obra retrata a realidade galega desde un punto de vista novidoso, centrándose na Galicia interior e a Galicia emigrante. Obras destacadas: Memorias dun neno labrego, Cartas a Lelo, Aqueles anos de Moncho, Xente no Rodicio, A muller de ferro, Querido Tomás, Camiño bretemoso, Historias de emigrantes, Remuíño de sobras, Tempo novo, O home de pau, Relatos mariñeiros.

A partir das décadas de 1970 e 1980 prodúcese a eclosión da narrativa galega, cun elevado número de autores e obras de grande calidade que foron recoñecidos fóra de Galicia a través de premios e traducións.