A Prosa Galega (1936-1976): Renovadores e Temáticas Clave

A Prosa Galega entre 1936 e 1976: Os Renovadores

Nos anos 50 comezan a perfilarse unha serie de liñas narrativas que se manterán en parte ata os nosos días: o realismo popular (Ánxel Fole), o realismo fantástico (Álvaro Cunqueiro), o realismo social (Eduardo Blanco Amor e Xosé Neira Vilas) e o realismo rural (Xosé Neira Vilas).

Álvaro Cunqueiro: Obra e Estilo Narrativo

Álvaro Cunqueiro é un dos escritores máis completos e polifacéticos da nosa literatura, con importantes obras narrativas, poéticas e teatrais. En narrativa cultivou novelas como Merlín e familia, As crónicas do sochantre e Se o vello Simbad volvese ás illas, e relatos como Escola de menciñeiros, Xente de aquí e de acolá e Os outros feirantes.

Características da narrativa de Cunqueiro

• Inclúe pezas de teatro breves na narración.
• Inclúe unha historia dentro doutra.
• Actualización de mitos.
• Mestura a realidade coa fantasía.
• Presenza do humor cando describe personaxes míticos con parodia e ironía.
• Historias orixinais cun transfondo enraizado na cultura popular.
• Predominio do estilo oral.

Eduardo Blanco Amor: Narrativa de Alta Calidade

Eduardo Blanco Amor destacou no ámbito da narrativa, xa que as súas obras en prosa marcaron decididamente a literatura galega pola súa alta calidade literaria. As súas obras narrativas máis importantes son: A esmorga, Os biosbardos e Xente ao lonxe.

Características da narrativa de Blanco Amor

• Escritura realista, fai unha caracterización da sociedade galega.
• Narración en primeira persoa.
• Presenza do mundo infantil.

Ánxel Fole: Realismo Rural e Popular

Ánxel Fole: A súa obra (narrativa) está influenciada polos espazos rurais nos que se refuxiou nos anos da guerra (Quiroga, O Incio e O Courel).

Destacan as súas obras: A lus do candil, Terra brava e Historias que ninguén cre.

Características da narrativa de Fole

• Reflicte a realidade do pobo galego de montaña.
• Influencia da técnica narrativa dos contos populares.
• Lingua recollida directamente da fala popular.
• Presenza da paisaxe rural.
• Captación realista da personalidade galega a través das crenzas no máis alá relacionadas coa morte.

Xosé Neira Vilas: Temáticas e Contexto Literario

Xosé Neira Vilas: Parte da súa produción aparece nos anos 60, ao mesmo tempo que as obras da Nova Narrativa Galega, aínda que non o podemos incluír dentro desta xa que non ten contacto con ela nin comparte temas nas súas obras con dita corrente.

Núcleos temáticos na obra de Neira Vilas

• Obras que xiran arredor da vivencia infantil do mundo da aldea (Memorias dun neno labrego, Cartas a Lelo e Moncho).
• Narracións centradas no mundo da emigración (Camiño bretemoso, Historia de emigrantes).
• Narracións que narran o mundo rural visto por un adulto (Xente no rodicio).
• Literatura infantil (Espantallo amigo).