Landareen Erreinua: Ezaugarriak, Sailkapena eta Ehunak

1. Landareen erreinuaren ezaugarri komunak

Landareen erreinuan sailkatzen diren izakiek ezaugarri hauek dituzte:

• Zelula eukariotoz osatutako izaki bizidunak dira.
• Zelula anitzeko izakiak dira; hots, mota askotako zelulaz osatuak eta ehunetan, organotan eta aparatutan antolatuak.
• Eguzki-argia atzematen duten eta haren energiaz ura, gatz mineralak eta karbono dioxidoa molekula organiko bihurtzen dituzten izakiak dira (autotrofoak).

2. Landareen sailkapena eta dibisioak

Landareen erreinuko dibisio bakoitzaren ezaugarri nagusiak:

Briofitoak (Talo motakoak)

Oso landare txikiak dira, ia ez baitira batere altxatzen bizi diren substratutik; zarakar edo kuxin itxura hartu eta estali egiten dute hura. Beren sustraiak, zurtoina eta hostoak organo faltsuak dira, ez baitira ehunez eratuak; beren egitura begetatiboa talo motakoa da.

Kormofitoak (Kormo motakoak)

Tente dirauten eta goiera handia irits dezaketen landareak dira. Haien egitura begetatiboa kormo motakoa da, hau da, organoz osatua: sustraiak, zurtoina eta hostoak. Organo horiek, beste hainbat ehunez gainera, izerdia garraiatzeko hodiak dituzte, eta hodi horiek landarea eusteko zeregina ere betetzen dute.

Ugalketaren araberako sailkapena

• Ez-hazidunak: Ez lorerik ez hazirik ekoizten ez duten landareak.
• Hazidunak: Loreak eta haziak ekoizten dituzten landareak.

3. Kormofitoen ehunen taula