Euskarazko Perpaus Konplexuak: Adibideak eta Egiturak

Euskarazko Perpaus Eredugarriak

Hona hemen euskarazko perpaus konplexu eta egitura sintaktiko anitzen adibide-zerrenda, gaika antolatuta. Baliagarria da hizkuntzaren aberastasuna eta adierazkortasuna ulertzeko.

Mendeko Perpaus Erlatiboak eta Egitura Baliokideak

• Asper eginda bukatu dute ezagutu zituzten lagun berriekin.
• Urria da artoak burutu eta enarak buztantzen diren urte-sasoia.
• Ez dago auzokiderik guk atzo etxean egindakoa jakingo ez duenik.
• Hona hemen ene semerik maitatuena, zeinarengan jarri baititut ene hobespen guztiak.
• Gure artean bada zuk baino gutxiago lan egin eta gehiago irabazten duenik.
• Handik gertu ezagutzen dudan herri eder batera eramango zaitut oporretan.
• Badira lan eta lan aritzea gustatzen zaienak.
• Ez dago institutuko zuzendariak azaldutako asmoa onartu ez duen ikaslerik.
• Harekin ezkontzeko gogoa zuen.
• Gogora dezala nire aurkakoak nire asmoak bete egiten dituzten horietakoa naizela ni.
• Lagunek zuei kontatu zizkizueten xelebrekeriek zeharo harrituta utzi zintuzteten.
• Batzuek, zer agintzen duten goikoek, haien esanetara makurtzeko joera izaten dute.
• Ez dago nobelarik gaurko Euskal Herriari buruz nola edo hala mintzatzen ez denik.
• Bada nahi duena egin ezin duenik.
• Norbaitek erantzun diezaiola orain nik egin dudan galderari.
• Etengabe hizketan ari zaren hori, isil zaitez!
• Ikusten duen edozeinekin geldituko da hizketan.
• Ihes egin nahi eta nora joanik ez daukan norbaiten istorioa da nobelak kontatzen diguna.
• Ez dago biztanlerik mediku berria etorriko zaiela ez dakienik.
• Legea lege delarik, auzia eskualdeko auzitegira pasako da, non epaiketa egingo baitzaio.

Harridura-perpausak eta Adierazpen Indartsuak

• Bi mutil sartu ziren, zein baino zein morroskoagoa.
• Estuasun hartan erokeria bat egiteko zorian egon zen!
• Horra non etorri zaidan eta barkamena eskatu!
• Baietz berriz ere etxeko lanak egin gabe etorri!
• Gaueko orduotan kalera ateratzea pentsatzea ere!
• Urduri baino urduriago dago eta ez dago bera lasaitzerik.
• Nola pentsa dezakezu zu bezalako zahar batek gazteek egin ezin dutena egitea!
• Andoni ezagutuko ez dut, ba!
• Nola pentsa zenezakeen leihatila atzean zeuden txoro haiek zuri arazoa konponduko zizutela!
• Hori itxura tarta horrek daukana!
• Hori pena hartu duena berria jakin duenean!
• Edozer egingo nuke nire arreba ezkonduta ikusteko.
• Hamaika laztan eta igurtzi jasotakoa zen haur hura!
• Bizitza osoan aurreratutako sosak era horretan xahutzea ere!
• Ez dago kristaurik hori ulertuko duenik!
• Hain azkar etsita, ona zaude zu zeure burua gobernatzeko!
• Nola ukatu produktu asko eta asko telebistak saltzen dituela bere zulotxotik!

Zeharkako Estiloa, Usteak eta Zurrumurruak

• Aitak esan zuenez, berari tokatu zitzaion eta berak zeukan joan beharra, bestela sugea haserretu egingo baitzen.
• Ez omen daukagu biharko zertan bukatu.
• Bizimodu berria aurkituko zuelakoan hartu omen zuen Ameriketarako bidea.
• Gure umeek, musikarako joera badute ere, ez dut uste beste lanak utzi beharko lituzketenik.
• Zu atzo pertsonal-buruarekin hizketan aritu zinen zurrumurrua zabaldu da.
• Aurten etxea erosi ahal izango dugulako ustea dugu.
• Ez zenekiten Patxi apaiz egitekotan dabilela, ala?
• Ikertzaileen artean, gizakia hasieran barazkijalea zen ustea jabetu da azken bolada honetan.
• Badirudi zuzendariak biharko bilera deituko duela.
• Badirudi musika-kaxa hartan herri-kanta alemaniar bat zegoela.
• Akerraren pertsonifikazioa omen da Matxin izena.
• Istripuan bi lagun hil diren berria zabaldu da.
• Badakizu derrigor egin behar duzuna.
• Hurrengo urteak oso euri gutxikoak izango omen dira.
• Izugarrizko makilakada eman zion lapurra zelakoan.
• Mundu honetan, aurrera jende gogorrak egiten duen ustea izan zuen gaztetan, baita zahartzaroan ere.
• Ez dirudi jendeak leporaino beteko dituenik enparantza, kale eta tabernak.