Enpresa Motak eta Sailkapena: Gida Osoa

Enpresak hainbat irizpideren arabera sailka daitezke, beren ezaugarriak eta jarduera hobeto ulertzeko. Jarraian, sailkapen nagusiak aurkezten dira:

1. Ekonomia Jardueraren Araberako Sailkapena

• Lehen Sektorea

  Baliabide naturalak ustiatzen dituzten enpresak dira, hala nola nekazaritzakoak, basoen ustiapenekoak, meategietakoak eta arrantzakoak. Adibidez: nire osabak baratzetxotik jaso eta auzoan saldutako produktuak.

• Bigarren Sektorea

  Ondasunen eraldaketa eta jarduera industriala burutzen dituzten enpresak. Honen barruan sartzen dira energia ekoizleak, kimikoak, siderometalurgiakoak, eraikuntzakoak, aeronautikakoak, elikadurakoak, ehungintzakoak eta altzarigintzakoak. Adibidez: Galpasoro okindegia, Ford auto enpresa, Irizar konpainia.

• Hirugarren Sektorea

  Orokorrean ondasun fisikorik ekoizten ez duten eta zerbitzuak eskaintzen dituzten enpresak dira. Besteak beste, garraioa, administrazioa, ostalaritza, banka eta aseguruak, osasun arloa, irakaskuntza, kultura, saltzaileak eta komunikabideak. Adibidez: irakasle partikularra, STL ikastola, Dbus konpainia, Donostiako ospitalea, Hernaniko musika eskola publikoa.

2. Tamainaren Araberako Sailkapena

• Enpresa Txikia

  50 langile baino gutxiago dituen enpresa.

• Enpresa Ertaina

  50 eta 250 langile bitartean dituen enpresa.

• Enpresa Handia

  250 langile baino gehiago dituen enpresa.

3. Jarduera Eremu Geografikoaren Araberako Sailkapena

• Enpresa Lokala

  Bere jarduera nagusiki hiri edo herri batean burutzen duena.

• Eskualdeko Enpresa

  Eskualde bateko zenbait herri edo probintziatan jarduten duena.

• Enpresa Nazionala

  Herrialde batean jarduten duena.

• Nazioarteko Enpresa

  Herrialde batean jarduten duena eta ekoizpena atzerrian ere saltzen duena.

• Enpresa Multinazionala

  Herrialde batean baino gehiagotan ari den enpresa. Lantegiak eta bezeroak estatu ezberdinetan izateaz gain, kapitala ere jatorriko herrialdekoa zein herrialde gehiagokoa izan dezakete.

4. Jabearen Araberako Sailkapena

• Enpresa Pribatua

  Kapitalaren jabetza pertsona fisiko edo juridikoei dagokie.

• Enpresa Publikoa

  Kapitalaren jabetza Estatuari edo erakunde publikoei dagokie.

• Enpresa Mistoa

  Kapitalaren jabetza erakunde publiko eta pribatuen artean banatua dago.

5. Jabe Kopuruaren Araberako Sailkapena

• Enpresa Indibiduala

  Jabe bakarra du, eta jabetza pertsona fisiko baten esku dago. Jabe hori enpresaren ondare osoaren titularra da, arriskuak bere gain hartzen ditu eta jarduera gidatzen du. Adibidez: denda txikiak, irakasle partikularrak, nire osabak baratzetxotik jaso eta auzoan saldutakoa.

• Sozietatea

  Pertsona juridikoak dira eta izaera propioa dute. Honenbestez, eskubide eta betebehar propioak dituzten erakundeak dira, jabeengandik bereizita. Adibidez: Galpasoro Okindegia, Hernaniko musika eskola publikoa, STL ikastola, Irizar konpainia, Dbus konpainia, Ford auto enpresa, Donostiako ospitalea.