Bigarren Mundu Gerraren Jatorria eta Garapena

Bigarren Mundu Gerraren kausak

Gerraren kausa nagusiak 30eko hamarkadako ekonomia-krisi larriak eta mugimendu faxista eta autoritarioen gorakada izan ziren. Nazioen Elkartea ez zen gai izan segurtasun-giroa ziurtatzeko.

Aliantzak eta hedapen militarra

• Erroma-Berlin Ardatza: Alemania eta Italiaren arteko lankidetza-ituna.
• Altzairuzko Ituna: Alemania eta Italiaren arteko aliantza militarra.
• Antikomintern Ituna: Alemania, Japonia eta Italiaren arteko akordioa.

Japoniak Panasiar Inperioa sortu nahi zuen; horretarako, Mantxuria okupatu eta Nazioen Elkartetik atera zen. Italiak Etiopia konkistatu zuen, eta Alemaniak, berriz, Austria eta Sarre eskualdea anexionatu zituen, baita Moravia eta Bohemia inbaditu ere.

Gerraren hasiera

Hitlerrek eta Stalinek Alemania eta Sobietar Batasunaren arteko ez-erasotzeko ituna sinatu zuten, Polonia elkarren artean banatzeko. 1939an, Hitlerrek Polonia inbaditu zuen, eta Erresuma Batuak eta Frantziak gerra deklaratu zioten Alemaniari.

SESB-en inbasioa

1941eko ekainean, alemanek sobietarrekin zuten ituna apurtu eta Sobietar Batasunaren inbasioari ekin zioten, tximista-gerraren (Blitzkrieg) taktikaz baliatuz. Letonia, Lituania, Bielorrusia eta Ukraina erraz konkistatu zituzten, Mosku eta Leningrad-eraino iritsiz. Hala ere, sobietarren defentsak eutsi egin zien. Stalingradeko Gudua izan zen alemanen lehen porrot handia.

Ozeano Bareko gerra

Japoniak Indotxina okupatu zuen. Estatu Batuek, interes ekonomikoengatik, Japoniarekin negoziatzen saiatu ziren, baina porrot egin zuten. 1941eko abenduaren 7an, Japoniak Pearl Harbor bonbardeatu zuen. Ondorioz, F.D. Rooseveltek gerra deklaratu zion Japoniari, eta Alemaniak eta Italiak, berriz, Erresuma Batuari.

Afrikako frontea

Mendebaldeko potentziek Afrikan ere borrokatu zuten koloniak kontrolatzeko. Testuinguru honetan, alemanek Libiaren zati bat berreskuratu zuten.