Vocabulario Esencial de Filosofía e Ciencia (Galego)

Enviado por Comunidad Xuletas y clasificado en Filosofía y ética

Escrito el 9 de Octubre de 2025 en gallego con un tamaño de 3,9 KB

Vocabulario Fundamental de Filosofía e Ciencia

Termos de Epistemoloxía e Metodoloxía Científica

Ciencia: Conxunto de coñecementos estruturados sistematicamente, obtidos mediante razoamento.
Causalidade: Relación entre dous fenómenos que suceden temporalmente, onde un determina a aparición do outro.
Experimento: Procedemento para comprobar unha hipótese.
Feito: Observación directa verificable desde unha teoría ou acontecemento que pode ser descrito e verificado.
Hipótese: Enunciado científico mediante o cal se anticipa a solución dun problema.
Hipotético-dedutivo: Método científico baseado na creación de hipóteses.
Indeterminismo: Actitude que mantén que os acontecementos dependen do azar.
Indución: Procedemento inferencial que vai de premisas singulares a unha conclusión máis universal.
Lei: Expresión matemática do comportamento dos fenómenos.
Modelo: Representación de fenómenos a fin de analizar feitos a partir deles.
Obxectividade: Capacidade de coñecer un obxecto con independencia das condicións de observación individuais ou temporais dun suxeito.
Predición: Declaración precisa do que ocorrerá en determinadas condicións previamente especificadas.
Realismo: Concepción segundo a cal existe unha realidade obxectiva.
Técnica: Conxunto de procedementos que se usan nunha actividade determinada.
Tecnoloxía: Conxunto de coñecementos técnicos que permiten resolver problemas.
Teoría: Conxunto de coñecementos organizados sistematicamente despois da comprobación dunha hipótese; permite crear modelos.
Verificación: Conxunto de procesos e actividades para xustificar a verdade das súas hipóteses.

Conceptos de Metafísica e Cosmoloxía

Causa: Principio produtivo de efectos, resposta á pregunta de por que se produce algo.
Cosmoloxía: Estudo da orixe e a estrutura do universo.
Cosmovisión: Visión global da realidade.
Devir: Modificación permanente de todo o que existe.
Dualismo: Teoría metafísica que defende a existencia de dúas realidades.
Dualismo antropolóxico: Teoría que defende a existencia de dúas partes no ser humano: o corpo e a alma.
Ente: Un ser que existe.
Esencia: Conxunto de características que fan que un ente sexa o que é.
Existencialismo: Corrente da filosofía contemporánea preocupada pola cuestión da existencia persoal.
Existir: É o xeito que temos as persoas de ser.
Finalidade: A causa final é o propósito e a finalización do que se persegue.
Forma: Configuración ou estrutura que explica como está feito algo.
Heliocentrismo: Teoría na que o Sol é o centro do universo.
Materia: Aquilo do que está feito algo.
Materialismo: Teoría segundo a cal a realidade está formada en último termo pola materia.
Transcendente: Que está máis alá deste mundo.
Xeocentrismo: Teoría na que a Terra está no centro do universo.