Poesía e Ensaio Galego dos Anos 80: Autores e Temas

A Poesía Galega dos Anos 80

O culturalismo e o decadentismo son propios da poesía dos autores dos 80. Entre estes autores destacan:

• Manuel Forcadela: trata a sensualidade e a reflexión sobre o misterio da vida en obras como Profecía.
• Xosé María Álvarez Cáccamo: trata a poesía íntima e de denuncia en obras como Praia das furnas.
• Ana Romaní: reivindica o papel das mulleres na historia en obras como Palabras de mar.
• Xela Arias: cultiva o intimismo e o erotismo en obras como Darío a diario.
• Xavier Seoane: a presenza da infancia é importante nunha obra como Iniciación e regreso.
• Miguel Anxo Fernán-Vello: cultiva temas como o amor e o desexo en obras como Seivas e amor.
• Manuel Rivas: trata a división entre mundo rural e urbano, mundos en perigo de extinción... a súa poesía está recollida en O pobo e a noite.
• Pilar Pallarés: trata o intimismo amoroso e a poesía social en poemas como Lusco e fusco.
• Ramiro Fonte: cultiva poesía de fondo filosófico como Capitán Inverno.

O Ensaio Galego Contemporáneo

Nesta etapa creáronse premios para impulsar a produción ensaística. O ensaio rompe coas liñas de posguerra cunha pluralidade ideolóxica e a incorporación de novas bases metodolóxicas e temáticas. Aumenta a presenza da temática galega, onde aparecen ámbitos non frecuentes e unha continuación do ensaísmo na ditadura con enfoques innovadores. Neste eido destaca Vitorino Pérez Prieto.

• Temática filosófica: cultivada por Antón Baamonde, quen trata o marxismo (O marxismo e as linguaxes), e por Francisco Sampedro.
• Temática antropolóxica: tamén obxecto de novos enfoques. Destaca Ramón Mariño Ferro con Cultura popular.
• Temática económica e política: trata a cuestión nacional e a situación de Galicia, destacando Xosé Manuel Beiras con Por unha Galicia liberada.
• Ensaio histórico: Ramón Fernández Barreiro tratou aspectos da historia de Galicia dende un punto de vista científico. Tamén tivo presenza a recuperación da memoria histórica e a emigración, así como a historia do franquismo.
• Outras correntes: nacen os temas da expresión artística, a literatura e a sociolingüística.
• Pensamento feminista: tivo como voz primeira a Mª Xosé Queizán e a Teresa Moure, entre outras.