A Nova Narrativa Galega: autores e características

A Nova Narrativa Galega

Xosé Neira Vilas

Autor cunha ampla obra literaria na que destacan a variedade de técnicas narrativas empregadas e a riqueza e calidade do léxico.

Obras:

• A Galicia rural de posguerra, infantil e adolescente: "Memorias dun neno labrego", "Cartas a Lelo", "Aqueles anos do Moncho"
• A Galicia rural de adultos: "A muller de ferro", "Querido Tomás", "Xente no rodicio"
• A Galicia emigrante: a vida dos emigrantes galegos en América cos seus problemas para integrarse no medio urbano, o illamento e a saudade da terra: "Camiño Bretemoso", "Historias de emigrantes"
• Literatura infantil: un dos primeiros autores de literatura infantil: "Espantallo amigo", "O cabaliño do Buxo"
• Ensaio sobre a emigración galega: varios libros nos que analiza a contribución dos emigrantes galegos a América: "Galegos no golfo de México", "Castelao en Cuba", "Guerrilleiros"

Características da Nova Narrativa:

Grupo de autores que publican a súa obra a finais dos cincuenta e na década dos sesenta, entre 1954 e 1971. Mediante a introdución de temáticas e técnicas, renovan e revitalizan o xénero narrativo. Pretenden superar os modelos de literatura tradicional e inspíranse en narradores europeos e americanos que revolucionan a literatura do século XX.

Características:

• Personaxes anónimos, marxinais, desorientados, desarraigados, con estados patolóxicos (loucura, delirio)
• O mundo do subconsciente (traumas, pesadelos, soños)
• Ambientados en espazos urbanos sórdidos e claustrofóbicos
• Ruptura da linearidade, constantes avances e retrocesos no tempo
• Pluralidade de voces narrativas
• Predomina o monólogo interior (reproducir pensamentos tal como brotan da mente)
• O autor actúa como unha cámara, reproducindo con obxectividade o que os seus sentidos perciben

Xosé Luís Méndez Ferrín

Inclúe contos e novelas. Tres etapas:

1. As súas primeiras obras están dentro da narrativa galega, protagonizadas por antiheroes que se moven por ambientes sórdidos e apréciase a influencia da literatura europea e americana: "O crepúsculo e as formigas", "Arrabaldo do norte"
2. Nos anos setenta escribe obras de temática política nas que se presenta a violencia, represión do estado e a clandestinidade: "Anton e os inocentes", "Crónicas de Nós"
3. Desde 1989 combina a fantasía e as recreacións míticas da materia de Bretaña co compromiso político: "Amor de Artur", "No vento do silencio"

Teatro: Escribe unha peza teatral "Celtas sen filtro", un estudo sobre a nosa poesía medieval "O cancioneiro de Pero Meogo" e un ensaio sobre a poesía galega de posguerra "De Pondal a Novoneyra"

Carlos Casares

A súa actividade literaria desenvólvese no xénero da narrativa pero tamén escribiu ensaio e colaborou na prensa e en actos culturais.

As primeiras obras inclúense na Nova Narrativa Galega, de carácter autobiográfico e sitúanse en diferentes épocas da súa vida: "Vento ferido", "Cambio en tres", "Xoguetes para un tempo prohibido"

As restantes obras ambéntanse nun pasado histórico:

• Narracións lúcidas entre os séculos X e XX: "Os escuros soños de Clio"
• Chegada do cine a unha cidade galega nos comezos do século XX: "Ilustrísima"
• A investigación dunha morte nos comezos da guerra civil: "Os mortos daquel verán"
• A posición dos intelectuais galeguistas durante a ditadura franquista: "Deus sentado nun sillón azul"
• A derradeira novela é unha historia de amor e morte na que Helena, tras o suicidio de Carlos, lembra os veráns compartidos na nenez: "O sol do verán"

Tamén escribiu obras de literatura infantil: "A galiña azul", "Un polbo xigante" e a peza teatral "As laranxas máis laranxas de tódalas laranxas"

María Xosé Queizán

Obras:

• Narrativa: "A orella no buraco", "O segredo da pedra figueira", "Amantia"
• Teatro: "Non convén chorar máis", "Antígona ou a forza do sangue"
• Poesía: "Metáfora da metáfora", "Despertar dos amantes", "Fora de min"
• Ensaio: "A muller en Galicia"
• Guión de cine: "Prisciliano"

Anxel Fole

Narrativa: Domina o relato curto. Obra narrativa formada principalmente por catro libros:

• Os dous primeiros, "A lus do candil" e "Terra brava", están ambientados na Galicia rural, na alta montaña luguesa. Reflicten os modos de vivir da Galicia e ofrece información acerca do mundo rural e as lendas tradicionais. O obxectivo é dar a coñecer a Galicia máxica e misteriosa.
• Os dous últimos libros, "Contos de néboa" e "Historias que ninguén cre", teñen ambientación urbana na cidade de Lugo e as vilas próximas e continúan cos temas de medo, misterio e experiencias paranormais.

A técnica narrativa baséase no conto popular de tradición oral. Recorre á técnica do conto enmarcado, ao presentar a uns personaxes que se xuntan para contarse historias.

Reproduce a lingua falada das zonas luguesas. O obxectivo é recoller o galego vivo.

Teatro: "Pauto do demo". A acción desenvólvese nunha aldea da ribeira do Sil no tempo da vendima.