As Irmandades da Fala e a Obra de Ramón Cabanillas
Enviado por Programa Chuletas y clasificado en Lengua y literatura
Escrito el en 
gallego con un tamaño de 2,54 KB
As Irmandades da Fala e a Lingua Galega
As Irmandades da Fala creáronse para a defensa, dignificación e cultivo do idioma; a primeira das Irmandades fúndase na Coruña en 1916. Séguena outras repartidas polas principais cidades e vilas de Galicia:
- Ferrol
- Ourense
- Betanzos
- Santiago
Para difundiren o seu ideario editaron unha publicación periódica totalmente en galego: A Nosa Terra. Os seus membros máis salientables foron os irmáns Vilar Ponte, Losada Diéguez, Vicente Risco, Ramón Cabanillas, etc.
En 1931 créase o Partido Galeguista, que consegue a aprobación do Estatuto de Autonomía de Galicia, no que a lingua galega adquire por vez primeira o recoñecemento de "idioma oficial de Galicia". Este logro importantísimo non chegou a ter aplicación na práctica por mor do estoupido da Guerra Civil (1936), que supuxo o principio da máis crúa etapa para as linguas minorizadas do Estado español.
Ramón Cabanillas: Vida e Obra
Ramón Cabanillas foi un poeta que escribiu en lingua galega. Naceu e morreu en Cambados (Pontevedra). A súa profunda formación clásica vénlle da súa permanencia de varios anos nun seminario. Durante algún tempo viviu en Cuba, regresando ao seu país para desempeñar diversos cargos burocráticos.
No ano 1917 publicou Da terra asoballada onde abundan as composicións de carácter reivindicativo da identidade política e cultural de Galicia. Anteriormente xa publicara outro poemario co mesmo espírito crítico titulado No desterro (1913). En Vento mareiro (1915) e A rosa de cen follas (1927), insistiu na descrición da vida e a paisaxe mariñeira da súa terra, así como en contar os costumes da Galicia campesiña.
En Camiños do tempo (1949), recuperou o sentimento céltico pondaliano; a Eduardo Pondal precisamente dedicou o seu discurso de ingreso na RAE en representación da lingua galega (xunto con Cotarelo Valledor) o 26 de maio de 1929.
O Teatro de Cabanillas
Cabanillas tamén escribiu teatro:
- O mariscal (1926): sobre a execución do mariscal Pardo de Cela polos Reis Católicos ás portas da catedral de Mondoñedo, vendo nel, o seu autor, a vinganza do poder central castelán contra os señores feudais galegos.
- A man da santiña.