Giza Baliabideen Hautaketa: Prozesuak eta Metodoak

Barne-bilaketa eta kanpo-bilaketa

Barne-bilaketaren abantailak

• Hautagaiarekiko ziurgabetasun-maila txikiagoa izango da; izan ere, pertsona ezaguna da, aurretik lan ona egin duena.
• Hautatutako langileak ardura eta soldata handiagoak izango dituenez, motibazio handiagoa izango du; baita lankideek ere, aukera ikusiko dutelako enpresan ibilbide profesional bat izateko.
• Langileak ezagutzen du enpresa jadanik; horrenbestez, lanpostura egokitzea errazagoa izango da, eta produktibitatea hasieratik handituko da.
• Kanpo-bilaketa baino azkarragoa eta merkeagoa da, eta aukera ematen du langileen prestakuntzan egin diren inbertsioak aprobetxatzeko.

Barne-bilaketaren desabantailak

• Zenbaitetan, jatorrizko postuan oso ona den pertsona bat ez da hain ona izaten goragoko kargu batean.
• Gainerako lankideen motibazioa mesfidantza edo giro txarra bilaka daiteke, baldin eta sustapenerako hautagai bat baino gehiago badaude, edota gainerako lankideek uste badute azken erabakia bidegabekoa dela.

Kanpo-bilaketaren abantailak

• Ideia eta antolatzeko modu berriak, beste trebakuntza mota bat, eta, kasurik gehienetan, bete beharko duen eginkizunean esperientzia duten langile berriak sartzea enpresan.
• Gainera, gazteak kontratatzea aukeratzen bada, batetik, enpresa indartu daiteke, eta, bestetik, kostuak ere txikiagoak izango dira.

Kanpo-bilaketaren desabantailak

• Hautaketa-prozesua mantsoagoa eta garestiagoa da; gainera, hautagaiak denbora gehiago behar du lanpostura egokitzeko.
• Bestalde, enpresak langile kualifikatuak eta esperientziadunak hautatuz gero, soldata-kostuak oso handiak izango dira. Baina, gazteak hautatuz gero, esperientzia txikia izango da haien handicap nagusia.

Hautaketa-erakundeak eta prozesuaren faseak

Giza baliabideak hautatzeko erakundeak eta enpresak

• Enplegu-bulegoa.
• Enplegu-agentziak: publikoak edo pribatuak izan daitezke.
• Aldi baterako laneko enpresak (ABLE).
• Langileak aukeratzeko aholkularitza-enpresak.
• Lan-poltsak.
• Jobsite-ak.
• Harreman pertsonalak edo networking-a.
• Prentsa.

Hautaketa-prozesuaren faseak

1. Hautagaien aurrehautaketa.
2. Aurretiazko elkarrizketa edo aurkezpena.
3. Zenbait proba egitea:
   • Proba psikoteknikoak eta nortasun-testak.
   • Proba profesionalak.
   • Talde-dinamikak.
   • Erretilu-probak.
   • Ebaluazio-zentroak: aurkezteko ariketa, role playing-a, fact-finding-a, kasuen analisia, talde-dinamikak eta erretilu-probak.
4. Elkarrizketa sakona.
5. Hautagai finalisten proposamena.
6. Azterketa medikoa.
7. Azken elkarrizketa eta langile idealaren hautaketa.
8. Harrera-plana edo programa.

Lan-elkarrizketak

Elkarrizketa motak

• Modalitatearen arabera: Antolatua, librea edo mistoa.
• Tentsio-mailaren arabera: Tentsio handiko elkarrizketak edo elkarrizketa arruntak.
• Parte hartzen duten pertsonen arabera: Banakakoak edo taldekoak.

Elkarrizketaren faseak

1. Prestatze-fasea.
2. Gauzatze-fasea:
   • Hasierako azpifasea.
   • Tarteko azpifasea.
   • Amaierako azpifasea.
3. Amaierako fasea.