Enpresaren Funtzioak, Dimentsioak eta ETEen Ezaugarriak

Enpresaren funtzioak

Enpresak helburuak lortzeko jarduera ezberdinak burutu behar ditu:

• A) Erosketa eta hornikuntza funtzioa.
• B) Produkzio funtzioa.
• C) Merkataritza edo banaketa funtzioa.
• D) Giza baliabide funtzioa.
• E) Finantza sistema.
• F) I+G+b (Ikerketa, Garapena eta Berrikuntza).
• G) Antolakuntza eta zuzendaritza.
• H) Informazio sistema.

Enpresaren dimentsioak

Enpresaren dimentsioa desberdina izango da erabiltzen den irizpidearen arabera: neurri fisikoa, eremu geografikoan duen eragina, etab. Beste batzuek ekoizpen ahalmenaren arabera neurtzen dute dimentsioa; hau da, epe zehatz batean enpresak lor dezakeen produkzio maila altuena.

Eraikina, tamaina eta produkzioa ez dira zertan proportzionalak izan behar. Garrantzitsuena enpresaren tamaina egokia lortzea da; hori gertatzen da baliabide guztien erabilera onena egiten denean. Enpresa baten dimentsio optimoa hurrengo faktoreen menpe dago: langile kopurua eta lan araudia, erabiltzen den teknologia eta finantza iturriak lortzeko erraztasuna.

ETEak: Alderdi positiboak eta negatiboak

Espainian enpresen %97 enpresa txiki eta ertainak (ETE) dira; egoera bera gertatzen da Europa guztian. Beraz, dimentsio txikia izan arren, garrantzi sozial eta ekonomiko handia dute.

Ezaugarriak

1. Merkatuan era minoritarioan parte hartzen dute.
2. Jabegoa pertsona edo bazkide talde txikiarena da.
3. Erabakiak hartzeko erabateko askatasuna dute.

Alderdi positiboak (+)

• Aldaketen aurrean malgutasuna eta aurrera egiteko gaitasuna.
• Merkatu segurua.
• Herri mailako merkatuetan abantaila (bezeroarekiko gertutasuna).
• Denbora gutxitan jarduera aldatzeko gaitasuna.
• Gatazka gutxi zuzendaritza kontrolatzeko.
• Hutsegite eta zordunen indize txikia lor daiteke.

Alderdi negatiboak (-)

• Dimentsio txikiak eskaintzak salneurri baldintza hoberenetan egitea eragozten die, ezin baitira enpresa handien eskala-ekonomiaz baliatu.
• Orokorrean ez dute behar adinako finantza potentzialik izaten; banku finantziarioen eta hornitzaileen menpe daude.
• Ez dute entitate handiek duten gaitasun teknikorik.
• Ez daukate hornitzaile eta bezero multzoaren gaineko kontrolik.
• Enpresa handiek erosten badituzte, autonomia gal dezakete.
• Ez dute gaitasun ekonomikorik teknologian, ikerketan eta inbertsioetan aritzeko.