Berridazketak: esaldi arruntak hobetzeko ariketak

BERRIDAZKETAK 1:

1. Zuk aurkeztutako lana da oraingoz onena

• Ez dago zuk aurkeztu duzun lana baina hobeagorik.

2. Hilketaren arrazoiak ekonomikoak izan dira. Zurrumurru hori dabil herrian

• Hilketaren arrazoiak ekonomikoak izan direlako zurrumurrua dabil herrian.

3. Erabat harrituta geratu ginen denok gertaera harekin

• Gertaera horrek erabat harrituta utzi gintuen.

4. Lehenbailehen etortzeko agindu genion

• Ahalik eta azkarren etor zedila agindu genion.

5. Beste taldekoak gu baino jantziagoak dira historian

• Beste taldekoek guk baino gehiago dakite historiaz.

6. Lehengo lana utzi eta beste bat hartu behar izan dut

• Lehenengoarekin jarraitu beharrean beste lan bat hartu behar izan dut.

7. Biharko eguraldia ere gaurkoaren antzekoa izango da. Nik, behintzat, hori pentsatzen dut

• Ni, gaurko eguraldiak bihar ere eutsiko diolakoan nago.

8. Inoiz ez ditut ahaztuko txikitako jolasak

• Beti izango ditut gogoan haurra nintzeneko jolasak.

9. Gertatutakoa jakin nuenean ezin izan nintzen zutik egon

• Gertatutakoa jakindakoan ez nintzen gauza zutik egoteko.

10. Telekomunikazioen mundua lehen pentsaezina zen neurrira iritsi da

• Telekomunikazioen mundua lehen pentsa ezin zitekeen neurrira iritsi da.

BERRIDAZKETAK 2:

1. Ondasunak, dirua eta gainerakoak banatu zituen eta handik aurrera ez ziren inoiz joan osaba zaharraren etxera

• Ondasunak, dirua eta gainerakoak banatuta osaba zaharraren etxera joateari utzi zioten.

2. Noizbehinka omenaldi gisa antolatzen ziren partiduetan ateratzen ziren bi taldeak elkarrekin, ez besteetari

• Omensaldi giza antolatzen ziren partiduetan izan ezik, ez ziren elkarrekin ateratzen bi taldeak.

3. Emaztearen hilketa gertatu aurretik inortxo ere ez zen jabetu ezkontide haien arteko liskarrez

• Emaztearen hilketa gertatu aurretik, inortxok ere ez zen ezkontide haien arteko liskarren berri.

4. Behar bezala ikasi nahi izanez gero, gelako musika aparailu guztiek isilik egon behar dute

• Beharrezkoa da gelako aparailu guztiak isilik egotea, behar bezala ikasi nahi bada.

5. Aspertu ederra hartu nuen medikuarenean nire txanda iritsi artean

• Ederki aspertu nintzen medikuarenean nire txanda noiz iritsiko.

6. Zein konplexuak diren esku artean ditugun makina hauek!

• Bai konplexuak direla esku artean ditugun makina hauek!

7. Kritika gogorrak jaso zituen, baina ez zuen etsi

• Kritika gogorrak jasotzeagatik ez zuen etsi.

8. Denok sentitu genuen gupida mutiko errukior haren egoeraz

• Ez zegoen mutiko errukior haren egoeraz gupida sentitu ez zuenik.

9. Olanok Pantanik baino sufritu behar izaten du aldapa zahar horietan gora

• Pantanik ez du Olanok adina sufritzen aldapa zehar horiek igarotzen.

10. Batzuek uste dute mendira autoz joan eta mendizale direla. Horrelakoak ere bai dira gure herrian

• Gure herrian badira autoz mendira joan eta bere burua medizaletzat dutenak.