Bihotz-taupadak eta Ariketa Fisikoa: Gida Osoa
Enviado por Chuletator online y clasificado en Deporte y Educación Física
Escrito el en 
vasco con un tamaño de 2,32 KB
1. Bihotz-taupadak eta ariketa fisikoa
Bihotzaren sistoleren (odola kanporatu) eta diastoleren (odola sartu) tartekoari taupada edo pultsua deritzo. Bihotz-taupadek denbora behar dute jaisteko zein igotzeko. Gastu kardiakoan, ariketa fisikoa egin bitartean, bi faktore dira garrantzitsuak: bolumen sistolikoa (bihotzak ponpatzen duen odol-bolumena minutuko) eta bihotz-maiztasuna (taupadak minutuko). Formula honen bidez adierazten da: Q = Vs x bihotz-maiztasuna.
Bihotz-maiztasuna neurtzeko baliabideak
- Pultsometroa: Ordulari baten modukoa eta oso zehatza.
- Eskuzko neurketa: Ariketa momentu zehatz batean eten eta zuzenean bihotz-taupadak zenbatzea hatz erakuslearekin eta erdikoarekin.
Bihotz-maiztasunarekin batera oxigenoaren goreneko kontsumoa dator, erlazioa lineala baita; hau da, lehenengoa igotzen denean bigarrena ere gorantz doa, 120-170 taupada bitartekoan.
3. Bihotz-maiztasunari eragiten dioten faktoreak
Bihotz-maiztasuna baldintzatzen duten faktore nagusiak hauek dira: adina, egoera fisikoa, gorputzaren posizioa, sexua, altitudea, herentzia genetikoa, estimulatzaileak, drogak eta eguneko ordua.
4. Bihotz-maiztasuna eta erresistentziaren entrenamendua
Bihotz-maiztasunaren kontrolak erresistentziaren entrenamendua egokia den edo ez jakiteko aukera ematen digu, bai intentsitateari, bai iraupenari eta bai erritmoari dagokienez. Lan eta intentsitate berdinerako, entrenatuta ez daudenei bihotz-maiztasuna azkarrago handitzen zaie, entrenatuta daudenekin alderatuz.
5. Jardueraren eremua eta osasuna
Ariketa osasuntsuaren mugak bi taupada-kopuruen artean kokatzen dira. Jarduera fisiko bat egitean muga horretara iristen ez bazara, ez duzu ez egokitzapenik ezta organismoan hobekuntzarik lortuko; eremu honetatik gorago bazabiltza, gehiegizko intentsitatean ibiliko zara, zure osasunaren kalterako. Jarduera osasuntsu bat egiteko, bihotz-maiztasun maximoaren % 65-85 tartean egon beharko gara.
Karvonen formula
Karvonen-en formula erabiliz zehatzagoa izan gaitezke, ekuazioak erreposoko bihotz-maiztasuna kontuan hartzen duelako:
EBM (entrenamendu-bihotz-maiztasuna) = EBM (erreposokoa) + [(GBM - EBM) x % intentsitatea]