B

Estatuaren gastu publikoak honela sailka daitezke,zer helburu duten:

-Gastu arruntak:

Gizarteari zerbitzu publikoak ematea helburu duten gastu orokorrak dira: osasungintza,hezkuntza, justizia,herrialdearen defentsa eta beste hainbat.Gastu arruntak bi kategoriatan sailkatzen dira:

   ·Funtzionarioen soldatak.

   ·Enpresa pribatuei erositako ondasunak eta zerbitzuak.

-Inbertsio gastuak:

Herrialdeko ekoizpen-ahalmenari eustea edo hura handitzea helburu dutenak dira.

-Transferentziak eta diru-laguntzak:

Estatuak zergetatik, gizarte-kotizazioetatik eta abarretatik jaso eta behar handienak dituzten pertsonei edo enpresei helarazten dizkien baliabideak dira.Pertsonei ematen bazaizkie,transferentzia esaten zaie eta enpresei ematen bazaizkie, berriz, diru-laguntza.

Zerga-politikak oso eragin desberdinak izan ditzake ekonomian, aurrekontuaren oreka zer-nolakoa den; hau da, aurrekontua orekatuta dagoen, defizita dagoen edo superabita dagoen.Defizit publikoa jasotako sarrerak baino gehiago gastatzen sortzen da.

Bi defizit mota daude:ziklikoa eta egiturazkoa.

-Defizit ziklikoa:

Ekonomia-ziklikoan halabeharrez gertatzen diren atzeraldietan sortzen da.Aldi batean soilik irauten du.

-Egiturazko defizita

Defizit iraunkorra da, eta ia enplegu beteko egoeretan ere iraun ohi du.

Diru-sarrerak gastuei aurre egiteko nahikoak ez badira, Estatuak murrizketak egin ditzake aurrekontuan, defizita sor ez dadin; edo bestela, zorpetu egin daiteke, epe laburrean edo luzean ekonomiaren onbideratzea ekar dezaketen gastuak baliatzeko.

·Zor publikoa jaulkitzea

Banku bati mailegua eskatzen diogunean bezala, Estatuak ere dirua eskatzen die enpresa eta partikularrei, titulo-balore jakin batzuen truke.

·Zergak igotzea:

Zergak igotzea edo beste zerga batzuk ezartzea gehiengoaren nahiaren aurkako neurriak izaten dira.

·Zirkulazioan dagoen diru-kantitatea handitzea

Prezioen igoera ekarri ohi du(inflazioa); horregatik, estatuek zuhurtzia handiz aztertzen dute ezarri edo ez.Eurogunean, egonkortasuna bermatzeko, Europako Banku Zentralak soilik erabaki dezake neurri hori gauzatzea.