A Unión Europea: Historia, Institucións e Retos Actuais

A Unión Europea: Obxectivos e Historia

A Unión Europea ten dous propósitos fundamentais: consolidar a paz para evitar novas guerras e competir fronte ás grandes superpotencias mundiais.

Fitos históricos da UE

• 9 de maio de 1950: Día de Europa.
• 1951: Formación da CECA.
• 1957: Tratado de Roma para construír a CEE e Euratom.
• 1993: Entrada en vigor do Tratado de Maastricht.
• 2002: Introdución do euro.
• 2004: Constitución europea.
• 2009: Tratado de Lisboa.

As institucións da UE

Consello da UE

É o principal órgano decisorio. As súas funcións son:

• Lexislar e aprobar o orzamento en común co Parlamento.
• Asinar acordos internacionais.
• Desenvolver a política exterior e de seguridade común.
• Coordinar a cooperación entre tribunais nacionais e a policía en materia penal.

Parlamento Europeo

É o órgano electo e de control democrático que representa aos cidadáns da UE. Os deputados son elixidos por sufraxio universal directo cada 5 anos e repartense en grupos políticos (máximo 751). Comparte co Consello responsabilidades lexislativas e orzamentarias: propoñer leis, aprobar normas e o orzamento comunitario.

Comisión Europea

É o órgano executivo que representa á UE nos foros internacionais e diríxea sen someterse ás instrucións de ningún goberno nacional durante 5 anos.

Retos da UE e Política Rexional

Para ingresar na UE, os países deben cumprir os tres criterios de Copenhague:

• Incluír e aplicar as leis da UE no seu sistema xurídico.
• Ter institucións estables que garantan a democracia, o estado de dereito, os dereitos humanos e a protección das minorías.
• Posuír unha economía de mercado viable.

Política rexional

A súa finalidade é aproximar o nivel de vida e desenvolvemento das rexións máis pobres ao das máis ricas. Os seus obxectivos son:

• Converxencia: Fomentar o crecemento e o emprego nas rexións menos desenvolvidas.
• Competitividade rexional e emprego: Destinado a axudar ás rexións máis ricas a afrontar a modernización económica.
• Cooperación territorial europea: Promove solucións comúns entre polo menos dous países membros en varios ámbitos.

O Estado español

España é un estado social e democrático de dereito:

• Social: O Estado intervén na vida pública para conseguir unha sociedade máis xusta.
• Democrático: Os cidadáns participan no goberno.
• Estado de dereito: Todos os cidadáns teñen dereitos e deberes recollidos na lei.