Sector Terciario y Comercio Global: Funcionamiento, Tipos y Deslocalización Económica
O Sector Terciario e a súa Evolución Económica
Os servizos son actividades que non producen bens materiais e que van destinadas a atender necesidades das persoas e de empresas. O sector 3 ou servizos cobrou importancia no século XX. En xeral, a máis desenvolvemento, maior importancia do sector.
Tipos de Servizos
- Públicos: Finánciaos o Estado co diñeiro dos impostos; o seu obxectivo é satisfacer as necesidades básicas da poboación.
- Privados: Ofrécenos empresas privadas ou persoas particulares. A principal finalidade é obter un beneficio económico.
A Deslocalización de Servizos
Tradicionalmente, os servizos concentráronse en áreas urbanas. O desenvolvemento das comunicacións e do transporte permitiron que empresas dos países desenvolvidos se trasladasen a países menos desenvolvidos, onde a man de obra é máis barata. Así, estamos asistindo a unha deslocalización dos servizos.
O Comercio
O comercio é o conxunto de actividades de intercambio de bens e servizos entre os produtores e os consumidores. Os factores que influen no comercio son:
- O desenvolvemento dos transportes e das súas infraestruturas.
- A densidade de poboación.
- O nivel adquisitivo das persoas.
Comercio Interior e Exterior
Existen dous tipos de comercio:
- O comercio interior: Son as actividades comerciais que se fan dentro dun país e nel interveñen dous tipos de comerciantes: os minoristas ou retallistas e os maioristas ou comerciantes por xunto.
- O comercio exterior: É o que comprende as actividades comerciais entre países.
Organización do Comercio Mundial
O comercio está regulado por acordos entre os países e na Organización Mundial do Comercio (OMC). Para facilitar o comercio, moitos países únense formando bloques comerciais. Estes poden ser de dous tipos:
- Área de libre comercio: Zona integrada por distintos países onde o comercio está exento de taxas e as mercancías poden circular libremente.
- Unión aduaneira: É unha área de libre comercio onde se establece unha política aduaneira común fronte a países non membros.
Tamén hai asociacións creadas para o comercio dun produto en concreto, como a OPEP (Organización de Países Exportadores de Petróleo).