Munduko Ekonomia Potentziak: Txina, India, Brasil eta Errusia
Txina
Gaur egun, Txina ekonomiarik dinamikoena da, eta gero eta garrantzi handiagoa du. Lehen ekonomia planifikatua zen, baina 1979. urtetik aurrera merkatu kapitalistako ekonomia bihurtu da.
Gaur egun, bigarren ekoizpen-potentzia da.
Ekonomia ereduaren ezaugarriak:
- Txina munduko fabrika bihurtu da: teknologian (ordenagailuak, mugikorrak, telebistak…), ehungintzan (arropa, oinetakoak…).
- Multinazional handien helmuga nagusia izan da, eskulan ugari, esanekoa eta merkea baitago. Halaber, etengabe handitzen ari den barne-merkatuak ere erakarri ditu multinazionalak.
- I+G+b-n gero eta gastu handiagoa egiten ari da, eta EBren antzeko ahalegina egiten du.
- Horrez gain, enpresak nazioartekotzeko politika egiten ari da. Adibidez: Txinako enpresak atzerriko multinazionalen zatiak erosten ari dira.
Alderdi ahulak:
Lan-baldintzak oso gogorrak dira (haurren lana; 12 orduko lanaldiak; ez dago elkartzeko askatasunik).
India
Munduko laugarren potentzia da, eta hainbat faktorek erraztu zuten ekonomiaren garapenaren hasiera (positiboak):
- Indiak natura-baliabide garrantzitsuak ditu.
- Industria oso dibertsifikatuta dago. Software informatikoaren industria da garrantzitsuena eta errentagarriena. Telekomunikazioak izugarri hazi dira.
- Berrikuntza-ahalmen handiagoa du.
- Indiako enpresa asko beste herrialdeetan kokatzen dira.
Erronka handiak (negatiboak):
Milioika biztanle pobreziatik ateratzea, iraupeneko ekonomiaren mende bizi baitira.
Brasil
Lehenengo ekonomia da Latinoamerikan, eta bederatzigarrena munduan. Hainbat faktorek errazten dute garapen hori:
- Azken urteetan, Brasil atzerriko inbertsioen hartzaile nagusia izan da Latinoamerikan.
- Nekazaritza- eta abeltzaintza-produktuen (kafea, soja…) baliabide mineralen (burdina, altzairua…) eta baso-baliabideen (zuntzak, kautxua…) ekoizle nagusietako bat da munduan.
- Bere alde du energia buruaskia izatea.
- Industrietan hauek nabarmentzen dira: larrugintza- eta oinetakogintza-sektorean.
- Sao Paulo herrialdeko eragile ekonomikoa da.
- Ekonomia-dinamismoa dela, kanpo zorra murriztu du.
Negatiboak:
Pobrezia-mailak eta errenten arteko aldeak oso handiak dira oraindik.
Errusia
Errusia munduko bi superpotentzietako bat izan zen hainbat urtetan, Estatu Batuekin batera. 1989tik aurrera, bloke komunista erori zenean eta merkatu-ekonomia lortzeko trantsizioa hasi zenean, Errusian krisialdi larria hasi zen.
Egun, Errusiako ekonomia suspertu egin da.