Migrazioak: definizioak, arrazoiak, motak eta ondorioak

1. Migrazioak: Oinarrizko Definizioak

Migrazioak bizilekuz aldatzea eragiten duten biztanleriaren lekualdaketak dira.

• Emigrazioa: Biztanleria leku batetik beste batera lekualdatzea da.
• Emigrantea: Bere bizilekua utzita joaten den pertsona.
• Inmigrazioa: Beste lurralde batetik biztanleria etortzea da.
• Inmigrantea: Kanpotik datorren pertsona.

2. Migrazioen Arrazoiak

• Ekonomia-arrazoiak: Langabezia-tasa altua, soldata eta bizi-maila hobearen itxaropenak.
• Arrazoi politikoak: Gerratik ihes egitea, arrazoi ideologikoak, erlijiosoak eta etnikoak.
• Natura-hondamendiak: Natura-hondamendiek (adibidez, lurrikarak edo uholdeak) jendea beste leku batera joatera eramaten dute.

3. Migrazio Motak

1. Nork edo zerk eragindako migrazioak:

   • Migrazio behartuak (nahi ez direnak).
   • Borondatezko migrazioak.

2. Helmuga-lekuan emandako denboraren arabera:

   • Aldi baterako migrazioak (adibidez, ikasketek eraginda).
   • Behin betiko migrazioak (emigrantea ez da bere jatorrizko lekura itzultzen).

3. Migrazio-mugimenduak nondik nora:

   • Nazio barneko migrazioak: Norberaren herrialdean bertan izaten dira.
   • Kanpoko edo nazioarteko migrazioak: Migrazioaren helburua atzerriko herrialderen bat dutenak.

4. Gaur Egungo Migrazio Joerak

1. Nazio barneko migrazioak:

   • Herrialde azpigaratuak: Hirietara lekualdatzen ari dira (landako exodoa esaten zaie).
   • Herrialde garatuak: Hirien arteko migrazioak izaten dira, ikasketek edo lanak eraginda.

2. Nazioarteko migrazioak:

   • Gutxien garatutako herrialdeetatik herrialde garatuetara: Prestakuntza gutxiko langileak dira, eta gaizki ordaindutako lanpostuak betetzen dituzte.
   • Herrialde garatuen artean: Lan hobearen bila dabiltzan pertsona prestatuak dira.
   • Herrialde azpigaratuen artean: Herrialde pobreenetatik garapen-bidean zeuden beste herrialde batzuetara lekualdatzen dira, lan-aukera handiagoen bila.

5. Migrazioen Ondorioak

1. Irteera-herrialdeei dagozkien ondorioak:

   Onurak:

   • Murriztu egiten da lan-merkatuaren gaineko presioa.
   • Dirua sartzen da herrialdeetan (familiei atzerritik bidalitako dirua), eta horrek bizi-kalitatea hobetzen du.

   Arazoak:

   • Familiak hautsi egiten dira eta desoreka sortzen da, zaildu egiten du familia berriak sortzea.
   • Adinaren araberako biztanleriaren egitura aldatu egiten da, adinekoak eta haurrak soilik geratzen baitira.
   • Ondo prestatutako pertsonak herrialde garatuenetara joan ohi dira (garun-ihesa).

2. Helmuga-herrialdeei dagozkien ondorioak:

   Onurak:

   • Biztanleria gazteak gora egiten du, eta jaiotza-tasak ere bai.
   • Ekonomia-hazkundean laguntzen du.
   • Biztanle gehiagok ordaintzen dituzte zergak, eta zergak beharrezkoak dira erretiroak eta gizarte-zerbitzuak finantzatzeko.
   • Herrialdearen kultura aberastu egiten da.

   Arazoak:

   • Denbora gutxian etorkin ugari iristen badira, osasun-zerbitzuek, hezkuntzak eta beste zerbitzuek gainezka egin dezakete.
   • Ghettoetan edo auzo baztertuetan bizi dira etorkinak.
   • Gatazkak sor daitezke, edo herrialde horretako zenbait pertsonak xenofobia agertzen badute.