Informatikaren Oinarriak eta Informazioaren Kodetzea

Informatikaren definizioa

Informatika ordenagailuen diseinu eta erabilerari eta informazioaren tratamendu automatikoari dagokion alderdi guztiak biltzen dituen jakintza-arloa da. Batetik, informatikak darabilen gaia informazioa dela eta informazioaren prozesaketa du helburu. Bestetik, informazioaren tratamendu automatikoa. Zientzia bezala, informatikaren ikergai batzuk hauek lirateke: datu-baseak, kalkulua eta ordenagailuen arkitektura.

Hiru eratako eragiketak egiten dira prozesu informatikoetan:

• Sarrera: informazioa biltzen da.
• Prozesua: informazioaren tratamendua.
• Irteera: emaitzak erabiltzaileari transmititzen zaizkio.

Informazioaren unitateak

Informatika eta konputagailuen munduan komunikatzen den oro informazioa kontsidera daiteke.

• Bit-a: informazio-unitaterik txikiena da eta bi balio onar ditzake: 1 ala 0.
• Bytea: bit-multzoa da eta zortzi bitez osatuta dago; memorian gorde daitekeen unitaterik txikiena da. Edozein karaktere alfanumeriko izan dezake. Byte batean 2⁸=256 kode posible adieraz daitezke, 0tik 255era.
• Nibble-ak: byte bateko lau bit-eko talde bakoitzak osaturik.

Memoria-kantitatea honetan neurtzen da: KB (1KB=2¹⁰byte=1024byte), MB, GB, TB, PB.

Konputagailu-kodeak

Ordenagailuetan informazio testuala gordetzeko biderik zuzena sinbolo bakoitzari kode bitarrean dagokion ordezkoa asmatzea litzateke: konputagailu-kodeak.

Kode motak

1. ASCII: Karaktere bakoitzari zenbakizko balio bat eransten zaioneko hitzarmena da. Kodetu behar dena 7 biteko txantiloi bat erabilita egiten da, eta zortzigarren bitak, besteak kontuan izanik, balio jakin bat hartuko du. Guztira 2⁷=128 karaktere desberdinen kodetzea lor daiteke.
2. BCD: Kode hau laburregia izan zen, sinboloak kodetzeko 6 biteko txantiloia erabiltzen baitzuen; beraz, ordenagailuak gehienez 2⁶=64 karaktere desberdin ezagutzen zituen.
3. EBCDIC: Kode hau biten zortzikoteez baliatzen denez, guztira onar daitezkeen karaktere desberdinak 256 dira.
4. OEM: Kode honetan 0tik 127 bitarteko bit-konbinazioak ASCII kodearen berdinak dira, baina 128tik 255 bitartekoak bereziak dira, nahi den hizkuntzaren araberakoak.
5. ANSI: Hasieran 217 karaktere adieraz zitezkeen sistema honetan. Gaur egun, gehiago adieraz daitezke.
6. UNICODE: Kode honetan 2¹⁶ karaktere adieraz daitezke.