Vocabulario Galego: Xustiza, Leis e Mar

VOCABULARIO GALEGO: A XUSTIZA E AS LEIS

Definicións:

• Alegar: Citar un feito como proba.
• Denunciar: Comunicarlle á autoridade competente a comisión dun delito ou o nome dunha persoa que o cometeu.
• Arquivar: Pechar ou dar por terminado un proceso.
• Desestimar: Contestar negativamente a unha petición, instancia ou recurso.
• Comisar: Incautarse o fisco dalgún ben como sanción.
• Derrogar: Abolir, deixar sen validez unha lei.
• Requirir: Solicitar mediante procedemento legal.
• Sobreser: Deter un proceso xudicial unha autoridade.
• Procurador: Persoa que representa nos tribunais a unha das partes.
• Atenuante: Circunstancia que contribúe a diminuír a gravidade dun delito.
• Testemuño: Declaración dunha testemuña nun xuízo.
• Agravante: Circunstancia accidental que aumenta a gravidade dun delito ou falta.
• Querela: Acusación escrita presentada perante o xuíz.
• Testemuña: Persoa que declara nun xuízo porque coñece un determinado feito.
• Litixio: Disputa xudicial.
• Barrete: Gorro con borla negra que usan os xuíces e maxistrados nos tribunais e nos xuízos.
• Veredicto: Sentenza dun xuíz.
• Tribunal: Lugar onde se administra xustiza.
• Delito: Acción penada pola lei.
• Fiscal: Persoa que representa o ministerio público nos tribunais.
• Reo: Persoa acusada ou presunta culpable dun delito.
• Estrado: Lugar no que se sitúa o xuíz e se toma declaración ás testemuñas e aos inculpados.
• Xuíz: Funcionario encargado de administrar xustiza e aplicar as leis.
• Citación: Orde de comparecencia para declarar nun xuízo.
• Toga: Vestidura que levan os maxistrados e avogados no exercicio da súa profesión.

VOCABULARIO GALEGO: O MAR

Expresións idiomáticas:

• Chegar a bo porto: Conseguir un obxectivo.
• Capear o temporal: Aguantar as dificultades e superar unha situación difícil.
• Ollo á boia!:!); Coidadiño!
• Ter aínda moito por remar: Quedar moito por aprender.
• Ir vento en popa: Ir ben nos negocios.
• Ir a pique: Fracasar.
• Tocar fondo: Ser unha persoa acabada.
• Saír a flote: Reporse dunha desgraza.
• Afogar nun vaso de auga: Ver dificultades por pouco motivo.
• Querer secar o mar: Ambicionar todo para un.

Termos náuticos:

• Cruceiro: Viaxe de pracer polo mar.
• Destino: Meta ou punto de chegada.
• Procedencia: Lugar ou punto de onde procede o barco, un tren, unha persoa...
• Escala: Porto que tocan os barcos e aeroporto que tocan os avións para abastecemento, carga e descarga de mercadorías ou pasaxeiros, etc.
• Rumbo: Dirección que leva un barco.
• Arribar: Chegar un barco ao porto.
• Itinerario: Planificación ou proxecto dunha viaxe co camiño que hai que seguir.
• Peirao: Parte do porto na que atracan os barcos.

VOCABULARIO GALEGO: TEMPO DE LECER

Deportes e entretemento:

• Videoxogo: Xogo electrónico en soporte informático para ser visto en consolas de xogo ou na pantalla dun ordenador ou televisión.
• Windsurf: Deporte que consiste en deslizarse pola auga cunha táboa provista dunha vela.
• Tríatlon: Deporte individual de resistencia que reúne tres disciplinas: natación, ciclismo e carreira a pé.
• Karaoke: Entretemento que consiste en cantar unha canción seguindo a súa letra por unha pantalla a medida que vai soando o acompañamento instrumental.