Variacións Climáticas e Modelos de Relación Económica-Ambiental

Variacións a longo prazo

A cantidade de radiación incidente varía ao longo dos anos. Distínguense dous tipos:

• Variacións graduais: Dependen da dinámica do Sol, que emite cada vez máis calor como consecuencia do aumento da entropía.
• Variacións periódicas: Ciclos chamados Ciclos de Milankovitch, que afectan a dous parámetros: a cantidade de radiación incidente e a superficie receptora desa radiación.

Ciclos de Milankovitch

1. Excentricidade da órbita: Varia en ciclos de 100.000 anos. A órbita da Terra cambia de elíptica a circular, recibindo máis radiación.
2. Inclinación do eixe de rotación: O eixe está inclinado 23º 27' respecto da vertical, pero esa diferenza cambia cada 40.000 anos, o que afecta á duración día-noite e ás estacións.
3. Posición do perihelio: Varia cada 25.800 anos. O perihelio ocorre no hemisferio norte a principios de xaneiro (inverno máis suave), e o afelio en verán (veráns suaves). No hemisferio sur a situación é a contraria.

Modelos de relación económica-medioambiental

Explotación incontrolada

Prima o desenvolvemento económico sobre a preservación do medio natural. Baséase na produción de riqueza e bens de consumo sen ter en conta o deterioro do medio ambiente. O sistema económico desenvólvese á marxe do ecolóxico, considerando que os fluxos de materia e enerxía son ilimitados e confiando en que os avances tecnolóxicos permitirán atopar novas fontes de recursos no futuro.

Non ten en conta:

• Que hai recursos non renovables que se poden esgotar.
• Os custos ocultos, que son gastos ambientais.

Conservacionismo a ultranza

Prima a conservación do medio ambiente fronte ao desenvolvemento económico. Derivouse da diminución de moitos recursos non renovables, do deterioro das augas continentais e marítimas, da crecente extinción de especies, da contaminación dos sistemas naturais e do esgotamento das terras agrícolas.

Estes problemas foron analizados na Conferencia das Nacións Unidas sobre o Medio Ambiente en 1972 en Estocolmo, onde se concluíu que a única solución aos problemas ambientais debía ser global, implicando a todos os países do mundo.