Uraren Kutsadura eta Bere Ondorioak

Uraren arazketa: Hondakin-uretako kutsatzaileen kontzentrazio-maila onargarrietara jaistean datza, era horretara, ura ingurunera isurtzean, ez luke poluziorik sortuko edo berriz erabili ahal izango litzateke.

Uraren kutsadura: Uraren kalitatean zuzenean edo zeharka aldaketa kaltegarriak eraginez uraren erabilera arrunta edo bere funtzio ekologikoak aldatzen edo murrizten dituzten energia edomateriak agertzea.

Atmosferaren kutsadura: Airearen ohiko konposizioan egon ohi ez diren zenbait sustantzia edo energia motaren bat agertzea edota aireak berezkoa duen osagairen baten edo gehiagoren kontzentrazioa ohi baino handiagoa izatea.

Atmosferaren kutsatzailea: Airean pertsonei, bizidunei edo materialei kalteak edo eragozpenak eragiteko edota klima aldarazteko moduko kontzentrazioan dagoen sustantzia, osagaia edo energia mota.

Berotegi efektua: Atmosferan dauden gas jakin batzuek Lurrak askatutako energiaren parte bat hartzen dutenean gertatzen den tenperaturaren igoerari deritzo.

CFC: Konposatu halogenatu eratorria. Gas egonkor eta ez oso toxikoak ezta sukoiak ere, aerosoletan, hozkailuetan etab. erabiliak. Hauek atmosferan 100 urte baino gehiago iraun dezake, ozono geruzaren suntsipena eraginez.

Euri azidoa: Euri arrunta (pH=5,6) atmosferan pilatzen diren sufre oxidoarekin eta nitrogeno oxidoarekin nahastean sortzen den prezipitazioa.

Hartzailea: Kutsadura jasaten duen elementua (pentsonak, animaliak, landareak edo materialak).

Hedatzailea: Igorritako sustantzien hedapena errazten edo oztopatzen duen ingurunea.

Igorlea: Igorpenaren iturria (industriak, garraioak, energia ekoizten duten zentroak).

Igorpen maila: Denbora tarte jakin batean igortzen den kutsatzaile kopurua.

Igorpena: Iturri zehatz batetik atmosferara sustantziak askatzea.

Inmisio maila: Hartzaileari iristen zaion kutsatzaile kopurua da, garraiatua eta zabaldua izan ondoren.