Sistema trifasiko izar eta triangelu

MOTORE
ASINKRONOA (Indukzio-motorea):
Motore hauek ia abiadura konstantea dute; Abiadura sinkronoa baino zerbait txikiagoa: n ≤ n_s. Motore Sinkronoak baino askoz merkeagoak direnez, gehienetan motore asinkronoak Erabiltzen dira. Motore merkeenak, gogorrenak eta mantenimendu txikiena behar Dutenak dira. Horregatik makinetan erabiltzen diren motoreetatik % 90 Asinkronoak dira.

ESTATOREA:

Estatorean Hiru harilkatu (U – X; V – Y; W – Z) ipintzen dira. Harilkatu bakoitza 180° Elektrikora dauden bi arteketan sartzen da, eta harilek berriz, elkarrengandik 120° elektrikora egon behar dute. Motorean harilak zein gunetan sartu behar Ditugun jakiteko, gradu mekanikoak bilatu behar ditugu: θ_mek = θelek/p Adibidez: polo-pare batentzat: p = 1: θ_mek = θelek. Harilak hiru Faseko tentsio-egituratik elikatzen dira. Tentsio hauek motorearen hariletan Hiru faseko beste korronte-
Egitura bat sortzen dute: I = V/Z. Korronte Bakoitzak harilean fluxu bat sortzen du (korrontearekin fasean dagoena) eta Horrela hiru fluxu sinusoidal denboran eta espazioan 120° elektriko Lekualdaturik daude motorean.Beraz, haril bakoitzean denboran zehar Aldatu egiten den fluxua dugu. Ampereren legearen ibilbidea haril bakoitzean Eginez, harileko fluxuak une ezberdinetan (t₁, t₂, t₃) Dituen balioak koordenatuetan ipinita, A1.3 irudia lortzen da.

M.ASIN: TENTSIOA:

Harileko tentsioak (V_h) erabakitzen du zenbateko fluxua egongo den makinan. Hau Asetasun-ukondoan aukeratzen da. Beraz, tentsio bakarra dugu egokia eta honi Harilaren tentsio izendatua deritzogu (V_h–n).Motorearen 3 Harilak bi eratara konekta daitezke: izar-eran eta triangelu-eran, eta harilera Beti tentsio izendatua joatea nahi badugu, konexio bakoitzean sareko tentsio Ezberdinak behar ditugu.

M.ASIN: KORRONTEA:

Hariak erre gabe eraman Dezakeen korronte handiena, hariaren lodierak erabakitzen du. Korronte horri Korronte izendatua deritzo (I_n), baina fabrikatzaileak lineako Korronte gisa ematen du. Beraz, konexioaren arabera sareko bi korronte azaltzen Dira. Adibidez, I_n = 10 A bada, sarean izar konexioan I_sar = 10 A eta triangeluan I_sar = √^-3 x 10 = 17 A daude eta plakan honela agertzen dira:
Δ / Y, 17 / 10 A

ERROTORREA:

Errotorean beste hiru haril estatorean Bezala banatuta daude, baina hauei tentsioa sartu ordez, zirkuitulaburrean Konektatzen dira. Motoreak ardatzean momentua emateko, errotoreko eta Estatoreko polo-kopuruak berdina izan behar du. Bi errotore-mota daude: urtxintxa-kaiolazko Errotorea eta errotore harilkatua
.Errotorearen Abiadura mekanikoari, radianetan emanari, Ω deituko diogu eta Estatoreko eremuaren abiadura sinkronoari, radian mekanikotan emanari, Ω_s.
Errotorea, abiadura sinkronoa baino geldiago doanez, Bertako eroale batek estatoreko eremu birakaria Ω_s – Ω abiadura Mekanikoan ikusten du.