Reproducción Humana, Salud Sexual y Métodos Anticonceptivos

Técnicas de Reproducción Asistida

Inseminación Artificial (IA)

Busca facilitar o encontro entre o óvulo e o espermatozoide no interior das vías xenitais femininas. Emprégase cando existe algún problema de fertilidade que non implica a incapacidade da muller para a fecundación ou xestación, ou cando o home presenta alteracións no seme.

• Estimulación ovárica: Consiste en administrar unha dose baixa de hormonas para estimular a produción de óvulos.
• Preparación da mostra: É o proceso de preparación da mostra de seme para que teña a concentración de espermatozoides adecuada.
• Inseminación: No momento da ovulación, depósitase unha pequena mostra de seme no útero a través dunha cánula.

Fecundación in vitro (FIV)

Consiste en fecundar os óvulos fóra das vías xenitais femininas. Emprégase en casos de esterilidade pola obstrución das vías xenitais femininas ou a incapacidade para producir óvulos.

As fases son:

1. Estimulación ovárica con hormonas.
2. Obtención da mostra de óvulos a través dunha punción e aspirado.
3. Obtención e preparación da mostra de seme.
4. Fecundación dos óvulos cos espermatozoides no laboratorio.
5. Transferencia embrionaria: transfírense os embrións ao útero da nai.

Esterilidade

É a incapacidade de ter fillos de forma natural. As causas poden ser moi diversas:

• Esterilidade masculina: Os motivos máis frecuentes son o escaso número ou as malformacións dos espermatozoides e os problemas nas vías xenitais.
• Esterilidade feminina: As causas máis comúns son a escaseza ou falta de produción de óvulos, a obstrución das trompas de Falopio ou as disfuncións do útero.

Infeccións de Transmisión Sexual (ITS)

ITS víricas

• Herpes xenital (VHS): Produce erupcións e úlceras dolorosas nos xenitais. Non ten cura, só tratamento dos síntomas.
• Virus da Inmunodeficiencia Humana (VIH/SIDA): Diminúe as defensas fronte a outras infeccións. Se non se trata adecuadamente, pode causar a SIDA.
• Virus do Papiloma Humano (VPH): Provoca verrugas na zona xenital, pero pode chegar a producir cancro de colo do útero. Existe vacina.
• Hepatite B (VHB): Ataca o fígado e produce febre, fatiga e ictericia. Existe vacina.

ITS bacterianas

• Clamidia ou clamidíase: Provoca molestias ao urinar, irritación, dor e secreción xenital. Pode derivar en esterilidade.
• Gonorrea ou blenorraxia: Produce síntomas como ardor ao urinar e supuración xenital. Pode provocar cegueira ao bebé durante o parto.
• Sífilis: Provoca chagas na zona anal e xenital. Se non se trata, pode producir lesións cerebrais e cardíacas.

ITS parasitarias

• Tricomoníase: Está causada por un protozoo que provoca dor e fluxo vaxinal branco, ás veces acompañado de molestias abdominais.

Métodos Anticonceptivos

Son técnicas e instrumentos para impedir a fecundación durante as relacións sexuais e permitir elixir o momento de ter fillos.

Métodos naturais

Requiren unha observación sistemática de varias manifestacións do ciclo menstrual (temperatura basal, moco cervical). A súa eficacia é baixa e non protexen contra as ITS.

Métodos químicos ou anovulatorios

• Anticonceptivos hormonais: Pílula, parche, inxección, implante ou DIU hormonal. Alta eficacia fronte ao embarazo, pero non protexen das ITS.
• Espermicidas: Substancias que destrúen os espermatozoides. Método pouco seguro, adoita usarse con preservativo.

Métodos de barreira

• Preservativo (masculino e feminino): Alta eficacia fronte ao embarazo e prevén as ITS.
• Diafragma: Membrana flexible que evita a entrada de espermatozoides. Non evita o contaxio de ITS.
• DIU (Dispositivo Intrauterino): Dispositivo que impide a fecundación. Non evita o contaxio de ITS.

Métodos cirúrxicos

• Vasectomía: Bloqueo dos condutos deferentes.
• Ligadura das trompas de Falopio: Selado das trompas para evitar o paso do óvulo.

A Sexualidade e o Sexo

O sexo

Conxunto de características biolóxicas e fisiolóxicas que definen aos seres humanos. Tamén se refire á actividade sexual.

A sexualidade

É un concepto máis amplo que abarca identidades, roles de xénero, orientación sexual, erotismo, pracer e intimidade. As relacións sexuais deben basearse no respecto, a libre aceptación e o consentimento mutuo.