Primeiros Auxilios en Accidentes Químicos: Guía de Actuación

Primeiras Actuacións en Caso de Accidente: Xeneralidades

PRIMEIRO: REQUIRIMENTO URXENTE DE ATENCIÓN MÉDICA, indicando cantos detalles concirnan a este e, se se trata dunha agresión química, mostrando, a ser posible, a etiqueta do produto causante. Mentres non chega a ASISTENCIA DO FACULTATIVO, deben SEGUIRSE AS INSTRUCIÓNS descritas a continuación, en concepto de PRIMEIROS AUXILIOS:

A. Actuación en Caso de Corrosións na Pel

Por Ácidos

• Retirar rapidamente a roupa empapada polo ácido (cortándoa se é necesario).
• Botar abundante auga á parte afectada.
• Neutralizar a acidez da pel con bicarbonato sódico, durante 15 ou 20 minutos.
• Cubrir con pomada para queimaduras e/ou acudir a Urxencias.

Por Ácido Fluorhídrico

• Fregar a pel con auga ata que a brancura desapareza.
• Facer unha inmersión da parte afectada en disolución saturada arrefriada con xeo de magnesio sulfato 7-hidrato, durante un mínimo de 30 minutos.
• Cubrir con pomada para queimaduras e/ou acudir a Urxencias.

Por Álcalis

• Aplicar auga abundante.
• Neutralizar con ácido bórico (solución saturada) ou ácido acético (solución ao 1 %).
• Cubrir con pomada para queimaduras e/ou acudir a Urxencias.

Por Halóxenos

• Botar inmediatamente un chorro de amonio hidróxido 20 %.
• Lavar con auga.
• Cubrir con pomada para queimaduras e/ou acudir a Urxencias.

Por Substancias Redutoras

• Aplicar unha compresa de potasio permanganato (solución ao 0,1 %).
• Acudir a Urxencias, se existe algunha irritación.

Outros Produtos Químicos

• Botar auga abundante na parte afectada.
• Lavar ben con auga e xabón.

B. Actuación en Caso de Salpicaduras nos Ollos

Por Ácidos e por Halóxenos

• Inmediatamente despois do accidente, irrigar os dous ollos con grandes cantidades de auga temperada (a ser posible, ben a chorro ou con axuda dunha pera de goma grande).
• Manter os ollos abertos. Se é necesario, collendo as pálpebras e estirándoas cara ao exterior, manténdoos separados de modo que a auga penetre debaixo das pálpebras. Continuar coa irrigación polo menos durante 15 minutos.
• A continuación, lavar os ollos con sodio bicarbonato (solución ao 1 %) con axuda da bañeira ocular, renovando a solución dúas ou tres veces, deixando por último en contacto durante cinco minutos.
• Finalmente, verter en cada ollo unha gota de aceite de oliva puro.

Por Álcalis

• Inmediatamente despois do accidente, irrigar os dous ollos con grandes cantidades de auga temperada (a ser posible, ben a chorro ou con axuda dunha pera de goma grande).
• Manter os ollos abertos. Se é necesario, collendo as pálpebras e estirándoas cara ao exterior, manténdoos separados de modo que a auga penetre debaixo das pálpebras. Continuar coa irrigación polo menos durante 15 minutos.
• A continuación, lavar os ollos con ácido bórico (solución ao 1 %) con axuda da bañeira ocular, renovando a solución un par ou tres veces, deixando por último en contacto durante cinco minutos.
• Finalmente, verter en cada ollo unha gota de aceite de oliva puro.

Por Outros Produtos Químicos

• Inmediatamente despois do accidente, irrigar os dous ollos con grandes cantidades de auga temperada (a ser posible, ben a chorro ou con axuda dunha pera de goma grande).
• Manter os ollos abertos. Se é necesario, collendo as pálpebras e estirándoas cara ao exterior, manténdoos separados de modo que a auga penetre debaixo das pálpebras. Continuar coa irrigación polo menos durante 15 minutos.
• Finalmente, verter en cada ollo unha gota de aceite de oliva puro.

C. Actuación en Caso de Inxestión de Produtos Químicos

Antes de calquera actuación concreta:

• REQUIRIMENTO URXENTE DE ATENCIÓN MÉDICA.
• Retirar o axente nocivo do contacto co paciente.
• Se o paciente se encontra inconsciente, poñelo en posición inclinada, coa cabeza de lado e sacarlle a lingua cara a adiante.
• Non dar a inxerir nada pola boca nin inducir ao vómito.
• Mantelo quente (tapalo cunha manta).
• Se o paciente está consciente, mantelo quente (tapalo cunha manta) e recostado.
• Estar preparado para practicar a respiración artificial boca a boca.
• Non o deixar xamais só.
• Non dar bebidas alcohólicas sen coñecer a identidade do veleno. O alcohol na maioría das veces aumenta a absorción dalgúns velenos.
• Obter atención médica tan pronto como sexa posible.

D. Actuación en Caso de Inhalación

• Levar o paciente ao aire fresco inmediatamente.
• Obter atención médica tan pronto como sexa posible.
• Ao primeiro síntoma de dificultade respiratoria, iniciar a respiración artificial boca a boca. O osíxeno debe ser administrado soamente por persoal adestrado. Continuar a respiración artificial boca a boca ata que o médico o aconselle.
• Tratar de identificar o vapor velenoso.