Prácticas de Laboratorio de Química: Ácido-Base, Pilas Galvánicas e Redox

Práctica de Valoración Ácido-Base

Con axuda dunha probeta medimos 20,0 mL da disolución de HCl e vertémola nun Erlenmeyer. Colocamos a bureta mediante a pinza no soporte metálico, a cal enchemos con axuda dun funil coa disolución diluída de Mg(OH)₂ 0,8 M, enrasándoa correctamente. Engadimos á disolución de HCl unhas gotas de indicador apropiado. A continuación, e sen deixar de axitar a disolución contida no Erlenmeyer, abrimos a chave da bureta e vaise deixando caer lentamente a disolución de Mg(OH)₂ ata que se produza o cambio de cor, o cal ocorrerá cando se gasten 15 mL da disolución.

Práctica de Pilas Galvánicas

Material

• Dous vasos de precipitados
• Fío condutor
• Tubo de vidro en U e algodón
• Pinzas de crocodilo
• Amperímetro/voltímetro
• 2 electrodos

Reactivos

• Electrodo de Cu
• Electrodo de Zn
• Disolución de sulfato de cobre
• Disolución de sulfato de zinc
• Disolución de cloruro de sodio

Procedemento

Colle dous vasos de precipitados e pon nun, aproximadamente 50 ml de disolución de ZnSO₄, e noutro aproximadamente a mesma cantidade de disolución de CuSO₄. Colle unha tira de papel de filtro, empápaa de disolución de NaCl, e fai que os seus extremos penetren cada un nun vaso. Así se constrúe unha ponte salina. Mete na disolución de ZnSO₄ a lámina de Zn e na de CuSO₄ a lámina de Cu. Pecha o circuíto cos fíos condutores e un polímetro.

Práctica de Valoración Redox

Material

• Matraz Erlenmeyer
• Bureta
• Pipeta
• Probeta
• Funil
• Soporte, pinza e noz

Reactivos

• Disolución problema de FeSO₄
• Disolución de KMnO₄ 0.02M
• Ácido sulfúrico 1 M
• Auga destilada

Procedemento

No Erlenmeyer póñense 10 ml de disolución de FeSO₄, medidos coa pipeta, engádenselle 5 ml de ácido sulfúrico 1 M e 20 ml de auga destilada para facilitar a operación. Enchemos a bureta coa disolución de KMnO₄ 0.02 preparada anteriormente, enrasando exactamente na división 0. Tras colocar o Erlenmeyer baixo a bureta deixamos caer pinga a pinga a disolución da bureta, ata que a disolución do Erlenmeyer pase dunha cor amarela débil a un rosa pálido. Anotamos o volume da disolución gastado. Repetimos a operación como mínimo 3 veces. Calculamos a concentración de sulfato de Ferro(II).