Ondare Historikoa eta Ingurunea Hezkuntzan

Historiaren zein alorretan erabili ondare historiko-kulturala?

Arteak eta Ondare Historikoa
Modulua: Ondare Historikoa
2018/2019 ikasturtea
Egilea: Nahia Elizagoien

Ingurunea eta tokian tokiko historia pedagogikoki lantzeko lehen pausuak

Kataluniako eskola berriaren ekarpenak:

• Kataluniako eskola berria: ingurunearekiko harremanak funtsezko papera du ikasleen ikaskuntza-irakaskuntza prozesuan:
  • Metodologia aktibo baten bitartez.
  • Tokian tokiko historia ikerketa historikoan hasteko.
  • Ezagutza historiko eta soziala eratzeko abiapuntutzat hartzearen bitartez.

Ingurunea

Ingurunearen ikaskuntzaren helburuak:

• Espazio geografikoaren kontzeptua ikastea, ikasleak bizi den errealitatea uler eta bereganatu dezan.
• Denbora historikoaren kontzeptua ikastea, ikasleak bizi den errealitatean gertatzen diren aldaketak eta jarraikortasunak uler ditzan:
  • Iraganaren eta orainaldiaren arteko harremanaz jabetzea.
  • Errealitatean, orainaldian dagoen iragana identifikatzea.
• Ezagutza historiko, geografiko eta soziala errealitatea aztertzeko erabiltzea.
• Hiritar aktiboak, gizartean duten paperaz jabe direnak, heztea.

Ingurunearen irakaskuntzak sustatu beharko lukeena:

• Errealitatearen analisia, informazio bilketaren eta ikaslearen ingurune fisikoarekiko zein komunitatearekiko elkarrekintzaren bitartez.
• Denbora historikoaren ulermena, orainaldian presente dugun iragana behatzearen bitartez.
• Ingurune fisikoan dauden ebidentzia historikoak identifikatzeko gaitasuna.
• Errealitatearen behaketatik abiatuta, galdera historikoak (hipotesiak, arazoak) planteatzeko gaitasuna.
• Metodo historikoarekiko hurbilpena, informazio iturri ezberdinak (lehen eskukoak, bigarren eskukoak) erabiltzearen bitartez.

Ikasleen gaitasunak:

Ingurunearen ikaskuntza-irakaskuntza prozesuak sortzen dituen ikasleak gai izan beharko lirateke:

• Hipotesiak planteatu eta egiaztatzeko.
• Datuak bilatu, ordenatu eta balioztatzeko.
• Iraganaren eta orainaldiaren arteko harremana aurkitzeko.
• Historiako aldaketak eta jarraikortasunak ulertzeko.
• Ikasten diren gertakarien arrazoiak eta ondorioak identifikatzeko; hau da, kausa-efektu elkarreragina eta harreman logikoak bilatzeko.
• Ezagupen historiko eta sozialak bizi diren errealitatea aztertzeko erabiltzeko.

Ingurunea: Emaitzak

• Ingurunean murgilduta lan eginda eta inguruneari buruzko hausnarketa eginda, ikasleak euren errealitatean modu kritiko eta kontzientean kokatzen dira, errealitate horretan jarduteko borondatea garatu dezaketelarik.
• Iragana orainetik eta ingurunetik aztertzen dela ulertzen da; modu honetan, ikasleak berak (eta ez irakasleak) iraganaren eta orainaren arteko harremanak aurki ditzake.