Obesidade, trastornos alimentarios e métodos de conservación dos alimentos

A Obesidade e as súas Consecuencias

A obesidade é o exceso de graxa corporal producido pola inxestión excesiva de alimentos enerxéticos e asociada a un estilo de vida sedentario. As súas consecuencias son a diabetes, problemas cardiovasculares e algúns tipos de cancro. Para previlo, é importante unha dieta equilibrada e exercicio físico diario.

Enfermidades Carenciais e Desnutrición

A desnutrición é unha forma de malnutrición que se produce cando a cantidade de alimentos que se toma non é suficiente para satisfacer as necesidades do organismo. Compénsase consumindo as propias moléculas: primeiro o depósito de glícidos, despois o de lípidos e, por último, os de proteínas.

As dietas pouco variadas poden ter falta dalgúns nutrientes e provocan enfermidades carenciais, trastornos que adoitan estar producidos pola carencia dalgunha vitamina ou sales minerais como calcio ou ferro.

Trastornos Alimentarios: Anorexia e Bulimia

A anorexia nerviosa é unha enfermidade que se caracteriza polo medo intenso de gañar peso e por unha imaxe distorsionada do propio corpo. A soen padecer adolescentes e, a maioría, mulleres.

Esta forma de desnutrición caracterízase por un rexeitamento á comida, acompañado ás veces dun exceso de exercicio físico que conduce a unha grave deterioración física e fisiolóxica. Entre un 10% e un 15% dos anoréxicos morren por desnutrición.

Estes enfermos tamén padecen a miúdo bulimia, que consiste en inxerir grandes cantidades de comida e despois provocar o vómito para evitar engordar.

Consellos para Alimentarnos Mellor

• Planificar unha alimentación equilibrada.
• Non saír de casa sen tomar un bo almorzo.
• Respetar o horario das comidas.
• Comer a modo e sen distraccións.
• Alimentarse con moderación e variedade.

A Información Nutricional

A información nutricional proporciona datos sobre a enerxía e os nutrientes que achega o alimento contido no envase. De forma obrigatoria, a etiqueta ten que poñer:

1. Valor enerxético en kcal ou kJ.
2. As graxas, en particular as saturadas.
3. Hidratos de carbono, en concreto os azucres.
4. As proteínas.
5. O sal (aparece como contido en sodio).

De maneira voluntaria, pódense poñer as cantidades achegadas por unha porción de alimentos, o contido doutros tipos de nutrientes como fibra alimentaria, vitaminas ou minerais. A achega de cada nutriente á cantidade diaria recomendada (CDR) ou á cantidade diaria orientativa (CDO) adoitase expresar en porcentaxes, tomando como referencia para comparar un adulto cunhas necesidades enerxéticas diarias de 2000 kcal.

Conservación e Datas Límite

• Data de consumo preferente: a partir desta data, o produto puido perder algunhas propiedades nutritivas e cambiar de aspecto, olor ou sabor, pero o seu consumo non supón ningún risco para a saúde.
• Data de caducidade: a partir desta data, o alimento non debe onsumirse, xa que non está garantido que os cambios sufridos, como a súa contaminación por microorganismos, non provoquen danos na saúde.

Métodos de Conservación dos Alimentos

1. Frío: os alimentos mantense a baixas temperaturas para atrasar ou deter o desenvolvemento dos xermes. Poden ser: por enriba dos 0 ºC (refrixeración) ou por debaixo de 0 ºC (conxelación).
2. Aditivos: engadense para impedir a proliferación de microorganismos; por exemplo, o sal (salgas), vinagre (conservas) ou os aditivos químicos artificiais (E).
3. Irradiación: os alimentos son sometidos a radiacións ionizantes, como os raios X, para destruir os microorganismos e prolongar a súa vida útil.
4. Ao baleiro ou en atmosfera modificada: se lles extrae o aire que conteñen para deter o desenvolvemento dos microorganismos.
5. Calor: no leite uperizado (UHT) quéntase a 135 ºC durante 2 segundos; no leite pasteurizado quéntase a 72 ºC 15 segundos e arréfiase rápido.
6. Deshidratación: elimínase a auga do alimento. A liofilización é unha forma de deshidratación que se produce ao conxelar rapidamente e despois aplicar o baleiro para separar a auga do alimento.