Lotura ionikoen propietateak
Enviado por Chuletator online y clasificado en Química
Escrito el en vasco con un tamaño de 5,03 KB
URTZE ETA IRAKITE PUNTU BAXUAK:
Puntu horiek handiagoak dira molekularteko indarrak handitu ahala.
DENTSITATE TXIKIA:
Batzuk besteetatik ia independente direnez, molekulek bolumen handia okupatzen dute.
EROANKORTASUN TXIKIA:
Ez dute elektrizitatea edo nekez eroaten dute, elektroiek, inguruan loturak eratzen ari direlako eta ez dute mugitzeko askatasunik.
KARBONOZKO KRISTAL ATOMIKOEN PROPIETATEAK
Kristal horien egiturak erabakitzen ditu haien propietateak.
Gogortasun handia: diamantea gogorrena da; grafitoa, berriz, laminatan esfolia daiteke.
Urtze eta irakite puntu oso altuak: beraz, karbonoa ikaztu egiten da urtu aurretik.
Disolbagarritasunik eza: ez dago substantziarik disolba ditzakeenik.
Eroankortasun elektrikoa: diamantean nulua da, elektroi guztiak perfektuki kokatuta baitaude sare kristalinoan; grafitoa, berriz, eroalea da.
KONPOSATU IONIKOEN PROPIETATEAK:
Urtze eta irakite puntuak: solido kristalinoak dira giro tenperaturan, haien urtze eta irakite puntuak altuak baitira . Adibidez, gatz arrunta (NaCl) 803º C-ko tenperaturan urtzen da.
Disoluzioa: uretan disolbatzen da, haren egitura kristalinoa hautsi eta ioiak aske gelditzen baitira.
Eroankortasuna: disolbatuta edo urtuta daudenean, elektrizitatea eroaten dute, zeren eta ioiak, aske egonik, aurkako kargako elektrodo batek erakarriak izan baitaitezke.
Hauskortasuna: hauskorrak dira, zeren eta kristal baten geruza baten lekualdatze batek aurrez aurre jartzen baititu zeinu bereko ioiak.