Kristau ospakizunak eta Eukaristiaren garrantzia

Kristau ospakizunak eta erritoak

• Erritoa: Ekintzen (ikurrak, sinboloak, keinuak) sekuentzia sistematikoa, ohikoa eta jakina, emozio, sentipen edo ideia batzuk adierazteko.
• Otoitza: Jainkoarekin egiten den elkarrizketa askea.
• Ospakizuna: Urtean zehar une desberdinetan egiten direnak (adibidez: Gabonetako ospakizunak, Eukaristia, Aste Santuko ospakizunak, sakramentuak...).
• Sakramentua: Bizitzako une garrantzitsuak kristau erara bizitzeko erabiltzen diren ospakizun kristauak.

Ospakizunen maiztasuna

• Astero: Eukaristia (igandero egiten da).
• Urtero (Jesusen gertaera nagusiak):
  • Gabonak: Jesusen jaiotza.
  • Aste Santua: Jesusen nekaldia, heriotza eta berpizkundea.
  • Garai arrunta: Bereziak ez diren egun guztiak.

Bizitzako gertaera garrantzitsuak: Sakramentuak

1. Bataioa: Jaiotza ospatzea.
2. Jaunartzea: Ume arotik nerabezarora pasatzea.
3. Sendotza: Nerabezarotik heldutasunera pasatzea.
4. Ezkontza: Bikotearen amankomunezko proiektua.
5. Abadegintza: Elkartearen gidari izateko bizitza dedikatzea.
6. Gaixoen Oliodura: Gaixotasunean itxaropen kristaua indartzea.
7. Barkamena: Akatsak Jainkoaren aurrean onartzea.

Ospakizun kristauen ezaugarriak

• Zeinu eta ikurrak erabiltzen dira.
• Jesusen hitzek eta eginek garrantzi handia dute.
• Jesusen memoria egiten da eta fededunen fedea gaurkotzen da.
• Elkartean egiten dira.
• Ministro bat izaten dute buru (gotzaina, abadea edo diakonoa).
• Bizitzako une garrantzitsuekin lotura dute.

Eukaristia: Kristau ospakizun nagusia

Kristauontzako ospakizun garrantzitsuena Eukaristia da, Jesusek agindu bezala egiten dugulako eta kristau moduan bizitzen laguntzen digulako. Igandero ospatzen dugu, elkartean, Jesusen hitzak eta ekintzak gogoratuz.

Eukaristiaren esanahia:

• Bizigaia da.
• Jesusen sakrifizioa da (bere burua eskaintzen du gure alde).
• Nork bere burua besteei emateko gonbitea da.
• Maitasun eta batasun ikurra da.
• Eskerrak ematea da.