Kontrol Bidezko Sistema Automatikoa
Enviado por Chuletator online y clasificado en Tecnología Industrial
Escrito el en 
vasco con un tamaño de 2,31 KB
Kontrol bidezko sistema automatikoa, elkarrekin konektatzen diren elementu fisikoz, erreguladore, transduktore, kaptadore… osaturiko sistema da. Hauen guztien bidez, prozesuak automatikoki kontrolatzen direlarik.
Bi kontrol sistema mota ezagutzen ditugu, begizta irekiko kontrol sistema eta begizta itxiko kontrol sistema.
Begizta irekiko kontrol sistema:
Begizta irekiko kontrol sistemetan, irteerako seinaleak ez du eragiten sarrerako seinalean. Hau da, sarrerako seinaleak, sistemaren portaera kontrolatzen duten elementuetatik pasatzen da, baina ez du irteeraren eraginik jasaten. ESQUEMA
Adibidea: Suposa dezagun gela bat berotu nahi dugula, horretarako, tenporizadore, erradiadore eta gela bat beharko ditugu. Prozesuaren eskema ondokoa izango litzateke: ESQUEMA
Sarrera: Gela 25 gradutan egotea nahi dugu, Tenporizadorea: Erradiadorearen martxaren iraupena kontrolatuko du, aurretik programatu dugun denboraren arabera, Erradiadorea: Gelan beroa askatuko duena, Irteera: Aldiuneko gelan dagoen tenperatura.
Begizta itxiko kontrol sistema:
Begizta itxiko kontrol sisteman, kontrola irteeraren menpekoa izaten da. Horretarako ezinbestekoa da sisteman BERRELIKADURA egotea. Berrelikaduraren bidez, irteera eta sarrerako seinaleak parekatzen dira, gainera, sistemak automatikoki erregulatzea ere lortzen delarik. ESQUEMA
Sarrera eta irteera seinaleen arteko ezberdintasunari ERROREA deritzo. Errorea ZERO izan arte berrelikadura emango da, errorearen balioa zero denean, irteerako seinalea seinale egokia izango delarik.
E=R-B R: Erreferentzi seinalea B: Berrelikadura seinalea
Begizta itxiko sistemak perturbazioen aurrean ez dira hain minberak izaten, berrelikadura dela eta perturbazioen eragina gutxitzen baitute.
Adibidea: Suposa dezagun gela bat berotu nahi dugula, horretarako, erradiadore termostatoa, termometroa, galdara eta gela beharko ditugu. Prozesuaren eskema ondokoa izango litzateke: ESQUEMA
Sarrera: Gelan eduki nahi dugun temperatura, Termostatoa: Galdara martxan jarriko duena, Galdara: Erradiadoreetara doan ura berotzen duena, Erradiadorea: Gelan beroa askatuko duena, Termometroa: Gelan dagoen tenperatura neurtzen du eta espero den tenperaturarekin parekatzen du, Konparadorea: Errorea lortzen duena, Irteera: Aldiuneko gelan dagoen tenperatura.