Karl Marx: Historia, Alienazioa eta Gizartearen Egitura
Enviado por Programa Chuletas y clasificado en Filosofía y ética
Escrito el en 
con un tamaño de 2,41 KB
Historia eta Lanaren Garrantzia Marxen Pentsamenduan
Marxentzat, historia produkzio-segida bat da. Bere garaian kapitalismoa nagusitu zen. Berarentzat, gizakia da historiaren subjektua; gizakia aktiboa da eta lana da bere aktibitate nagusia.
Lana positiboa da eta izaera soziala du, gizakia errealizatua sentitzeko bidea baita. Lantegietan harremanak izaten dituzte eta objektuak ekoizten dituzte; beraz, lana gizakiaren berezko jarduera da.
Alienazioa: Langileen Egoera Kapitalismoan
Marxen garaian, kapitalismoaren eraginez, langileen egoera txarra zen: esplotaturik eta askatasunik gabe bizi ziren. Alienaturik bizitzeak norberaren izaera galtzea esan nahi du.
- Alienazio nagusia: Lana bera da, eta hortik sortzen dira beste alienazio motak.
- Alienazio soziala: Klase batek bestea menderatzea (burgesiak proletalgoa).
- Alienazio erlijiosoa: Marxek dio erlijioak injustiziak justifikatzen dituela eta errealitatetik aldentzen gaituela.
Langileak lan-indar huts bihurtzen ziren, eta erlijioak zapalkuntza hori justifikatzen zuen, zeruan konpentsazioa izango zutela esanez. Alienaziotik ateratzeko soluzioa komunismoa da, berdintasunean oinarritutako sistema.
Gizartearen Egitura: Azpiegitura eta Gainegitura
Marxek gizartearen egitura bi mailatan banatzen du:
- Azpiegitura: Egitura ekonomikoa da. Bertan, produkzio-indarrak (gizakiaren indarra, lan-tresnak) eta produkzio-harremanak (burges eta proletalgoaren artekoak) biltzen dira.
- Gainegitura: Egitura ideologikoa da (politika, erlijioa, filosofia...). Garai bat ordezkatzen duten ideiak dira eta azpiegitura justifikatzen dute.
Dialektika eta Klase-borroka
Produkzio-indarren garapenak gatazka dakar. Produkzio-modu berri bat sortzen denean, azpiegitura eta gainegitura aldatu egiten dira, klaseen arteko borroka piztuz. Marxek hau modu dialektikoan azaltzen du:
- Tesia: Egungo produkzio-modua (Kapitalismoa).
- Antitesia: Produkzio-modu berriaren agerpena (Proletalgoaren diktadura).
- Sintesia: Gatazkaren ondoren ezartzen den egoera berria (Komunismoa).
Prozesu honek etenik gabe jarraitzen du, historiaren motorra izanik.