Jesus Nazaretekoa: Galileako Profeta eta Bizitzaren Maisua

Galileako judua

• Ikertzaileek ez dute Jesusen existentzia zalantzan jarri.
• Adituak bat datoz Jesus K.a. 4. urtea baino lehen jaio zela esatean.
• Yeshua deitzen zioten (Yahvek salbatzen du).
• Nazareten bizi izan zen, beheko herrixka txiki batean; landatarra zen.
• Bere ardura nagusiak bizirautea eta familiaren ohorea ziren.
• Giro erlijiosoan hazi zen.
• Bakarrik % 10 zen irakurtzeko eta idazteko gai. Ez dakigu geroago ikasi ote zuen.
• Artisaua zen.
• Hizkuntza erraza, zehatza eta zorrotza erabiltzen zuen.

Jainkoaren Erreinuko profeta

• Jainkoaren Erreinua edo "Jainkoaren erregealdia": Jainkoak erreinatzen duen gizartea, berak nahi duen bezala bizi dena, sufrimendua saihestuz eta guztiak berdinak izanez.
• Jesusekin bizitza, justizia, errukia, poztasuna eta bakea datoz, baina ez du inoiz zuzenean azaltzen zertan datzan erreinu hori.
• Jainkoaren Erreinua pobreentzat da.
• Erreinua onartzeak pentsatzeko eta jarduteko modua aldatzea dakar; norbera aldatzen utzi eta Jainkoak nahi duen moduko bizitza eraikitzen hastea. Ez da aldaketa pertsonala soilik, gizarte-aldaketa ere bada.

Bizitzaren irakaslea

• Jesus bizitzako irakaslea da, baloreen arabera era ezberdin batean bizitzen erakusten duena.
• Rabbi (maisua) deitzen diote.
• Jainkoaren Erreinuan bihotz berri batekin baino ezin da sartu.
• Maitasuna da agindurik garrantzitsuena, lege funtsezkoena eta erabakiorra.
• Gauza guztien gainetik Jainkoa maitatu behar da, baina lagun hurkoaren maitasunean aurkitzen da Jainkoaren benetako maitasuna.
• Zuen etsaiak maitatu, Jainkoa ez delako mendekatzailea; abegitsua, errukiorra eta barkatzailea da.
• Justiziaren aldeko borroka baketsua aldarrikatu zuen.
• Jesusek ez du bortizkeriarik erabiltzen, ezta horretara animatzen ere.
• Justiziaezaren aurka era baketsuan borrokatu behar da.
• Jesusek mundua maitasunean aldatzera animatzen gaitu.

Bizitzaren sendatzailea

• Jesusek Jainkoaren errukiari buruzko parabolekin hitz egiten du.
• Jesusen lehenengo begirada gaixotasuna edo ezina sufritzen dutenentzat da.
• Jesusek sendatu egiten du, Izpiritua bere barnean dagoelako.
• Sufritzen ari diren guztiei maitasuna ematen die.
• Osoki sendatzen ditu eta sendatuak gizarteratu egiten ditu.
• Jesusen lehenengo ardura zorigaitz handiena dutenak pairamenetik askatzea da.
• Jesusentzat bekaturik larriena pairamena sortzea edo axolagabetasunez onartzea da.

Azkenen babeslea

• Jendeak Jesusekin bizi du Jainkoak justiziazko eta errukizko erreinu bat nahi duela.
• Ez gaituzte erlijioak edo Jesusek berak eramaten erreinura; behartsuak laguntzeak eta txikiekiko errukiak eramaten gaitu.
• Baztertuak gizartea ez kutsatzeko kanporatzen zituzten, haragikoiak zirelakoan.
• Jesusek ez du bekatua, korrupzioa edo prostituzioa justifikatzen, baina bazterketa apurtzen du topaketarako espazioak irekiz.
• Bekatariak Jainkoaren maitasunaren eta samurtasunaren aurrean jartzen ditu.

Emakumeen laguna

• Juduek emakumearen irudi ezkorra zuten; tentazio eta bekatu iturritzat hartzen zituzten.
• Jesus emakumeen laguna da; ez da beldurtzen eta ez ditu epaitzen.
• Emakumeek hasieratik jarraitu zioten, baita heriotzaren unean ere.
• Magdalako Maria, Maria (Santiago eta Joseren ama) eta Salome aipatzen dira.

Gatazka eta arriskua

• Jesus bortizki hil zen heldutasunean. Jerusalemen exekutatu zuten Pilatoren aginduz.
• Ziurrenik 30. urteko apirilaren 7an hil zen.
• Gatazkak izan zituen fariseoekin eta erlijio-buruekin.
• Ez zuen Erromaren aurkako altxamendurik nahi, baina bere jarduna arriskutsua zen xumeei eta baztertuen esperantza ematen zielako.