Jaioberrien Erreflexuak, Garun Paralisia eta Piaget

Jaioberrien erreflexu nagusiak

• Arnas erreflexua: Jaio eta berehala agertzen da, airea biriketan sartzearekin.
• Xurgatze erreflexua: Ezpainek objekturen bat ukitzeak xurgatze mugimendu erritmikoa eragiten du.
• Puntu kardinalen erreflexua: Ezpain ertzaren inguruko kitzikapenak buruaren errotazioa eragiten du. Biziraupenerako tresna da; edoskitzea errazten du. Normalean, 3-4 hilabeterekin desagertzen da.
• Harrapatzeko erreflexua: Haurraren esku-ahurra estimulatzean, hatzak itxi egiten ditu. Bigarren eta hirugarren hilabeteen artean desagertzen da.
• Zuzentze erreflexu estatikoa: Oin-zolaren presioari erantzunez, gorputz-adarrak luzatzeko joera da.
• Ibiltze erreflexu automatikoa: Posizio bertikalean, oin hutsik gainazal lau batekin kontaktuan, ibiltzearen antzeko mugimendua sortzen du.
• Babinski erreflexua: Oinazpia estimulatzean, hatz lodia gorantz luzatzen da eta besteak abanikoan irekitzen dira. 1-2 urte arte normala da.
• Moro erreflexua: Bat-bateko soinu edo posizio aldaketa baten aurrean, besoak bereizi eta bularrean biltzen ditu.

Haurren garun-paralisia

Arazo sentsitiboak, kognitiboak, komunikaziokoak eta portaerakoak dakartzan egoera da. Jaio aurretik, jaiotzerakoan edo jaio osteko lehen bost urteetan gerta daiteke.

Sintoma motor nagusiak:

• Zurruntasuna eta kitzikagarritasuna beso eta hanketan.
• Ezohiko eta nahi gabeko mugimenduak.
• Oreka-asaldurak, lokomozioari eta koordinazioari eragiten diotenak.
• Muskulu-uzkurdura errepikakorrak eta dardarak.
• Hipotonia muskularra, jarreraren kontrola zailtzen duena.

Piageten garapen-estadioak

Ingurunera egokitze prozesua haurtzaroan gertatzen da bereziki, funtzio kognitiboak garatuz. Piagetek lau estadio bereizten ditu, non egitura mental bakoitzak aurrekoaren gaitasunak behar dituen.

Arrazoiketa eta arazoen konponketa

Arazoen konponketa zerbait zehatza ebazteko urratsez urratseko plana da, eta arrazoiketa modu logikoan pentsatzea da, erabakiak hartzeko edo egoerak ulertzeko.