Instalazio Elektrikoak: Osagaiak eta Magnitudeak

Kableak eta Babes-Gailu Elektrikoak

Kableen kolore-kodea:

• Linean: marroia, grisa edo beltza.
• Lurra: horia eta berdea.

Beste aparatu eta babes-gailu batzuk

• Fusiblea: Gainkarga edo zirkuitu-labur bat dagoenean, intentsitatea handitu egiten da. Honen eraginez, fusiblea erre egiten da, zirkuitua irekiz eta instalazioa babestuz.
• Etengailu termikoa: Gainkarga bat dagoenean berotasun handia sortzen da eta, ondorioz, barruan dituen xaflak deformatu egiten dira, zirkuitua ireki eta instalazioa babestuz.
• Intentsitate-errelea eta motorzaingailuak: Motoreak babesteko gailu espezifikoak dira.
• Etengailu magnetikoa: Kanpo elektromagnetiko bat sortzen da eta, honen ondorioz, kontaktua ireki egiten da (funtzionamendua termikoaren antzekoa da).
• Diferentziala: Bobinan indar handia sortzen denean, anplifikadore batera eramaten du eta honek errele batera; errele-kontaktua ireki egiten da zirkuitua babesteko.
• Lurreratzeak: Instalazio elektrikoetako aparatuen atal metalikoak lurrera konektatzea da, erabiltzaileari eta ekipamenduari babesa emateko.

Zirkuitu Elektrikoak eta Haien Atalak

1. Zirkuitu elektrikoa: Instalazio elektriko batean, elektroiak sorgailuaren borne batetik irten eta beste batera joaten dira. Elektroiek beren desplazamenduan jarraitzen duten bideari deitzen zaio zirkuitu elektrikoa.

Zirkuituaren osagai nagusiak:

• Sorgailua: Elementu honek elektrizitatea sortzen du, hau da, bi punturen artean potentzial-diferentzia bat mantentzen du. Bi mota nagusi daude: dinamoak (korronte zuzena sortzeko) eta alternadoreak (korronte alternoa sortzeko).
• Hargailua: Korronte elektrikoa xurgatzen du; energia elektrikoa erabiltzen duen elementua da (adibidez: lanparak, motoreak edo ikuzgailuak).
• Unea (Konexioa): Sorgailua eta hargailua elkarren artean lotzen dituen elementua da, normalean kobrezko eroale bat.

Edozein hargailu elektrikok funtzionatu ahal izateko, gutxienez, bi hari ezberdinetako indarra ezinbestekoa du. Bestalde, zirkuitu barruko elektroien mugimenduari korronte elektrikoa deitzen zaio.

Magnitude Elektrikoak eta Ohm-en Legea

2. Zirkuitu elektriko bateko magnitudeak:

• Tentsioa: Sorgailu baten bi borneren artean dagoen diferentzia da (potentzial-diferentzia). V letraz adierazten da eta voltetan (V) neurtzen da.
• Intentsitatea: Eroale batetik segundo batean igarotzen den elektrizitate kopurua da. I letraz adierazten da eta amperetan (A) neurtzen da.
• Erresistentzia: Eroale batek elektroien mugimenduari jartzen dion oztopoa da. R letraz adierazten da eta ohm-etan (Ω) neurtzen da.
• Erresistibilitatea: Metro bateko luzera eta 1 mm²-ko azalera duen eroale baten erresistentzia espezifikoa da. Material bakoitzak erresistibilitate ezberdina du.
• Dentsitatea: Eroale baten sekzio-unitatetik (mm² bakoitzetik) pasatzen den intentsitate kopurua da; A/mm²-tan adierazten da.

Ohm-en Legea

Zirkuitu elektriko batetik igarotzen den intentsitatea tentsioarekiko zuzenki proportzionala da eta erresistentziarekiko alderantziz proportzionala.