Ideoloxías e Correntes Artísticas do Século XIX: Do Socialismo ao Realismo

O socialismo e o anarquismo

O socialismo foi formulado por Marx. O seu obxectivo era acabar coa propiedade privada, causante da división entre a burguesía e o proletariado. Era necesaria unha revolución por parte do proletariado, baixo a dirección do partido socialista, que lle permitise acceder ao poder. O proletariado implantaría unha ditadura ata substituír a propiedade privada pola propiedade colectiva e conseguir así unha sociedade sen clases.

O anarquismo foi formulado por Bakunin, co obxectivo de lograr a máxima liberdade individual loitando contra todo o que a limitase. Propoñía unha revolución por parte dos sectores sociais oprimidos. Tras o seu triunfo, aboliríase o Estado e substituiríase por comunas ou comunidades igualitarias de produción e consumo.

A Primeira Internacional

En 1864 fundouse en Londres a Asociación Internacional de Traballadores (Primeira Internacional). Integráronse os sindicatos de diversos países cos socialistas e anarquistas para loitar a nivel internacional contra o capitalismo.

Romanticismo

O Romanticismo (1ª metade do S. XIX) xurdiu como reacción ante o Neoclasicismo. Proclamou a supremacía da imaxinación, a creatividade e a fantasía. Distínguense dúas correntes: o Romanticismo histórico ou tradicional e o Romanticismo liberal.

Arquitectura, escultura e pintura

• Arquitectura: Estilo historicista, inspirado en estilos do pasado. Uso de materiais proporcionados pola industria, como o ferro e o cristal.
• Escultura: Destaca o movemento e a expresividade dos rostros.
• Pintura: Importancia á cor, a luz, o movemento e a expresividade. Os temas principais foron feitos do presente e do pasado, escenas costumistas e exóticas, temas amorosos e pasionais, desastres, traxedias e paisaxes.

Realismo

Desenvolvido entre a revolución de 1848 e 1870. A súa característica principal é a inspiración na realidade representada de forma obxectiva. Os temas centrais son a paisaxe e os temas testemuñais da súa época.

• Pintura de paisaxe: Pintores campestres que plasman as variacións da paisaxe como resultado de diferentes luces.
• Pintura testemuñal: Temas da vida cotiá protagonizados polo pobo.
• Pintura de historia: Grandes acontecementos do pasado tratando de representalos coma se fosen do presente.