Haurren garapena: Erritmoa, Modelaketa eta Gorputz Adierazpena

Erritmoa haurraren eguneroko bizitzan

Erritmoa ohiko elementua da haurraren eguneroko bizitzan, garapen-etapa guztietan. Erritmo horiek ordena erregularra eta sinkronizatua dute; denboraldi batean maiztasun erregularrarekin gertatzen den fenomeno errepikakorra da.

Lehenbiziko erritmoak

• Barne-erritmoa: Haurraren garapen naturalaren oinarrian dago. Haur bakoitzak berezkoa duena du; norberak bere erritmoa aurkitzea bideratu behar dira erritmo-heziketaren lehenengo urratsak.
• Kanpo-erritmoa: Erritmo horiek barneratzen lagundu daiteke perkusio-tresnak erabiliz eta espazioa antolatuz. Erritmo-egitura argia duten musika-piezak (martxak eta magaleko kantak) oso baliagarriak dira. Haurraren erritmo eta mugimendu-gaitasuna garatuko dira, eta garapen horrek denboran antolatzeko aukera emango dio.
• Espazioaren konkista eta erritmo-adierazpena: Hamabost hilabetetik aurrera, haurrak espazioa musikarekin lotuta mugimenduak abestiekin sinkronizatzen ditu. Bere gorputza askotariko erritmoetara egokitzeko eta adierazteko gaitasunak eskuratzen ditu. Kanta herrikoiak eta biribilak erabiltzea funtsezkoa da espazioa menderatzeko.

Modelaketa eta psikomotrizitate fina

Modelaketa erakargarria eta baliagarria da psikomotrizitate fina lantzeko. Haurra bolumenaren kontzeptuaz jabetzen da, eta ondorioz, hiru dimentsioko formez eta diseinuaz. Itzulkorra den jarduera da: umeak hainbat erabaki hartu ditzake noiz eta nola amaitu. 30 hilabetera arte eskuez eta hatzez egiten du lan, gorputzarekin sentsazioak aurkituz. Beste material batzuk txertatzea ere oso gomendagarria da.

Gorputz-hizkuntza eta emozioak

Haurrak gorputzarekin egiten dituen agerpen guztiak hartzen ditu barnean: keinuak, mugimenduak, irribarrea eta begiradak. Ingurunearekin komunikatzeko 2 urte bete arte haurrak erabiliko duen hizkuntzarik egokiena gorputz-hizkuntza da. Hizkuntzarik berezkoena da, beharrak, sentimenduak, sentsazioak eta erritmoa adierazteko erabiltzen duena.

Hasieran, erreflexuen bidez, eta gutxinaka, asmoa duten mugimendu eta keinuen bidez adierazteko bere modua aurkitu behar du haurrak.

Emozio-adierazpenaren garapena

Emozioen adierazpena gorputz-adierazpenaren bidez landu daiteke, imitazioa erabiliz. Beste aukera bat emozio desberdinetako pertsonaien irudiak erabiltzea da, keinuak imitatuz. Panpinekin edo txontxongiloekin istorioak asmatzea ere oso baliabide aberatsa da.

Azkenik, antzezpena agertoki batean antzezteko helburua duen ikuskizuna da. Jolas dramatikoak, berriz, adierazteko modu bat aurkitzea du helburu; garrantzitsua ez da emaitza, adierazteko prozesua baizik.