Gutun Formala Idazteko Gida: Egitura eta Adierazpenak

1. ATALA: Data eta Agurra

Data

Adibideak:

• Bilbon, 2024ko ekainaren X.ean. (Lekuan -n idazten baduzu, zenbakian ere bai)
• Bilbo, 2024ko ekainaren X.a.

Oharra: Kontsonantez bukatzen duten zenbakietan -ean idatziko dugu, eta -a ez den bokalez bukatzen dutenetan -an idatziko dugu.

Agurra

Aukerak:

• Zuzendari jauna / andrea:
• Zuzendari jaun / andre hori:
• Goikoetxea jauna / andrea:
• Goikoetxea jaun / andre hori:
• Jauna / Andrea:
• Jaun / Andre hori:

Garrantzitsua: Lehen hitza letra larriz idatzita badago, bigarrena ere bai.

2. Sarrera

1. Aurkeztu zure burua. Nor/Zer zaren esan: zure enpresaren bezeroa, udalerri honetako biztanlea, Batxilergoko 2. mailako ikaslea...

2. Argi utzi gutunaren helburua:

   Adierazpen aukerak:

   • Eskutitz honen bidez, (Batxilergoko ikasle guztien izenean) zuregana jotzen dut, —t(z)eko baimena eskatzeko asmoz.
   • Eskutitz honen bidez, (eskolako ikasle batzuen izenean) zuregana jotzen dut, —aren aldeko kanpaina bat antolatzeko baimena eskatzeko asmoz.
   • (Batxilergoko 2. mailako ikasle batzuk gara eta) gutun honen bidez, honako proposamena jakinarazi nahi dizugu: gure proposamena —t(z)ea da.
   • Eskutitz honen bidez, (eskolako ikasle batzuen izenean) zuregana jotzen dut oso garrantzitsutzat jotzen dugun gai bati buruz hitz egiteko.
   • Eskutitz honen bidez, (eskolako ikasle batzuen izenean) zuregana jotzen dut oso garrantzitsutzat jotzen dugun proposamen bat helarazteko. Gure helburua —t(z)ea da.
   • (Batxilergoko 2. mailako ikasle bat naiz eta gutun honen bitartez) zuregana jotzen dut (zerekin) lotutako ekimen bat proposatzeko asmoz.

3. Azalpena eta Antolaketa

Azaldu zer proposatzen duzun:

Proposamenaren Deskribapena

• Lehenik eta behin, azalduko dizut gure proposamena zertan datzan...
• Gure proposamena honetan datza... (Plurala: Gure proposamenak honetan dautza).
• Hasteko, saiatuko naiz proposamenaren nondik norakoak azaltzen.

Antolakuntza eta Ekintzak

Ekitaldiaren / proposatu dugunaren antolakuntzari dagokionez:

• Gure asmoa da —t(z)ea.
• Garrantzia eman nahi diogu —ri / —t(z)eari.
• Ondo legoke (ere)...
• Kultura-jarduera / plan / kanpaina hau gauzatu baino lehen, komenigarria izango litzateke —t(z)ea.
• Plan hori guztia aurrera eramateko —aren laguntza beharko genuke.

Zereginen Banaketa

Ekintza hau errazteko, ikasleok ardura gaitezke:

• (zertaz) (adibidez, informazio-orria diseinatzeaz).
• Txartelak erosteari dagokionez, ez duzue ezertaz kezkatu behar. Gu ardura gaitezke erosteaz.

Zenbait ardatz proposatzen ditugu, aurrera eramateko lagungarriak. Horien artean ezer nabarmentzekotan, azpimarratzekoa da ikasleok arduratuko garela —z / —(z)eaz.

Proiektuaren Sekuentzia

Zereginen sekuentzia hau pentsatu dugu proiektua errealitate bihurtzeko orduan:

1. Lehenengo zeregina,
2. Bigarrena, eta,
3. Azkenik...