Goi-teknologiako industria

GAIA. ESPAINIAKO INDUSTRIA-SEKTORE NAGUSIAK

Espainiako gaur egungo industrian hiru sektore hauek azpimarratu daitezke: teknologia txikia duten industria-sektore helduek pisu handia dute gaur egun; sektore dinamikoetan atzerriko kapital ugari dago; eta goi-tekonologiako sektoreak Europako baino beste herrialde batzuetan baino gutxiago ezarri dira. 

1) INDUSTRIA-SEKTORE HELDUAK.Bertan  sektore hauek daude:

a)Industria siderurgiko integralak altzairua burdin mineraletik lortzen du labe garaian. Birmoldatze-prozesu gogor baten ostean, Asturiasen bakarrik mantentzen da. Siderurgia ez integralak altzairua txatarretik lortzen du labe elektrikoan, eta neurri txikiagoko enpresetan ezartzen da EAEn, Katalunian…

Eraldatu metalikoen industriak produktu metalikoak eta makineria egiten ditu. Bartzelona-EAE-Madril triangeluaren barruan biltzen da.

b) Linea zuriko etxeko tresnen fabrikazioa berrantolatzeko prozesuan murgilduta dago. Horren eraginez, enpresa batzuk itxi edo deslokalizatu dira. Nagusiak Nafarroan,Aragoin, EAEn eta Kantabrian egon dira.

c) Ontzigintza, herrialde merkeagoen lehia indartsuaren aurrean, birmoldaketa gogorra jasaten ari da gaitasuna eta langileak murrizteko eta beste jarduera batzuetan espezializatzeko, hala nola konponketetan. Sektore hau Galizian, Kantabrian, EAEn eta Andaluzian pilatzen da.

d) Oihalgintza eta jantzigintza Katalunian eta Valentziako Erkidegoan biltzen da. Jantzigintzak enpresa-minifundismoa, sakabanatuta  eta eskulan ugari erabiltzen ditu eta herrialde merkeagoen lehia eta deslokalizio-prozesuak jasan behar ditu.

Gaur egun industria-sektore helduek behera egin dute arrazoi desberdinagatik:

- lehiakortasuna (teknologia atzeratua dagoelako, edo beste herrialde batzuetan eskulanaren kostua txikiagoa delako).

-  eskariak murriztea (material edo produktu berriak agertu direlako)

-  birmoldatze-prozesuak egin behar izatea.

2) INDUSTRIA-SEKTORE DINAMIKOAK

Produktibitate eta espezializazio handiko industria-adarrak dira eta eskaria bermatuta dute, barruko merkatua handia delako eta esportatzeko ahalmen handia dutelako. Sektore horietan atzerriko kapitala egotea oso garrantzitsua da. Aipagarrienak automobilarena, kimikoa eta nekazaritzako elikagaiena dira

1. Automobilaren sektorearen industria plantak enpresa multinazionalenak dira eta ekoizpen gehiena esportatu egiten da. Espainia, Alemaniaren eta Frantziaren atzetik Europako hirugarren herrialde esportatzailea da.

Ibilgailuen eta osagaien industriak deslokalizatzeko arriskua dago. Fabrika nagusienn artean Palentzia, Valentzia, Zaragoza eta Madrilekoak aipatu behar dira.

2. Sektore kimikoan atzerriko presentzia handia da. Bi azpisektore ditu:

• Petrokimikoa (petrolioaren deribatuak ateratzea) edo oinarri kimikoa,normalean, birfindegi ondoan (Muskiz,Cartagena, Algeciras, Huelva…)

• Eraldaketako kimikoa enpresa txikitan egituratzen da, eta horietan koloratzaileak, pinturak, bernizak, material fotografikoa, ongarriak, produktu farmazeutikoak eta papera egiten dira. EAEn, Kataluniako kostaldean eta Madrilen ezartzen dira.

c) Nekazaritzako elikagaien sektoreak industria txiki eta sakabanatuak ditu, baina multinazionalek ere pisu handia dute. Katalunia, Andaluzia eta Valentziako Erkidegoa nabarmentzen dira.

D) Eraikuntza.Etxe pribatuak eta obra zibilak. Gaur egun krisialdia dela eta sektore honek behera egin du

3. PUNTAKO ETA GOI-TEKNOLOGIAKO INDUSTRIA-SEKTOREAK

Industria-adar hauek teknologia handia, produktuen bereizketa handia eta eskari handia dituzte. Sektore aipagarrienak material elektriko eta elektronikoa, ordenagailuak, tresna optikoak, doitasun-tresnak… dira.

Espainian, sektore horiek gutxi garatu dira eta atzerapen handiarekin ezarri dira.

Goi-teknologiako sektoreak parke teknologikoedo zientifikoetan ezarri ohi dira. Parke hauek metropolien eta hiri ertainen inguruan ezartzen dira, ingurumen kalitate handia eta irisgarritasun ona duten espazioetan (komunikazioa hurbil dagoen hiriarekin, aireportuarekin eta informazio-sareekin). Normalean industria gehienen tamaina ertaina eta txikia izaten da, eta zerbitzugune osagarriak izaten dituzte (administratiboak, telekomunikazioak, bilera-gelak, kafetegiak). Horietan enpresa berritzaileak egoten dira (enpresa-sehaskak), lehen urteetan hartzen dituzten eraikinak bideragarriak diren ala ez erabaki arte.

Parke teknologikoen helburua industria berritzaileek toki-garapenerako lokomotoreak izatea da, beste enpresa batzuk erakarrita. Madril, Katalunia, EAE, Valentzia eta Andaluzian pilatu dira.