Fundamentos de Xeoloxía e Xeografía: O Medio Natural e a Codia Terrestre

Os elementos do medio natural

Denominamos medio natural ou medio físico ao conxunto de elementos minerais e vivos. Estes elementos son: o relevo, o clima, o solo, a vexetación e a fauna.

A codia terrestre

É a capa sólida do noso planeta. Ten un espesor medio duns 30 km. Hai dous tipos de codia:

• Codia continental: é máis espesa e variada, porque está composta por rochas ígneas, metamórficas e sedimentarias.
• Codia oceánica: é máis delgada e está formada por material basáltico.

As rexións continentais

As rexións xeoloxicamente estables son aquelas en que o zócolo aflora á superficie, formando escudos e mazizos:

• Os escudos son grandes extensións compostas por materiais moi antigos.
• Os mazizos están situados arredor dos escudos e son rexións máis reducidas, cuxa antigüidade é algo menor.

Ambos están recubertos por materiais máis recentes provenientes da súa propia erosión.

Os condicionantes climáticos

A diversidade climática da Terra débese a unha serie de factores:

• Inclinación coa que inciden os raios solares na superficie terrestre.
• As correntes mariñas.
• O relevo.
• A circulación atmosférica.

Os medios ecuatoriais e tropicais

Nesta clasificación distínguense principalmente a zona ecuatorial e a zona tropical.

Tipos de riscos naturais

• Terremotos: son movementos sísmicos bruscos da codia terrestre.
• Erupcións volcánicas: son os gases, cinzas e lavas expulsados polos volcáns.
• Escorregamentos de ladeira.
• Furacáns: cando os ciclóns tropicais producen ventos moi fortes reciben o nome de furacáns.
• Inundacións: son provocadas polo desbordamento de ríos.

Definicións

• Xeografía: ciencia que estuda as relacións entre as sociedades e o seu medio ambiente natural, a organización dos territorios, a súa evolución no tempo e as paisaxes que os reflicten.
• Biodiversidade: conxunto de todas as especies de plantas e animais.
• Plurisilva: formación boscosa caracterizada por unha vexetación exuberante e temperaturas e precipitacións constantes todo o ano.
• Sotobosque: conxunto vexetal que forma os distintos estratos por debaixo do arbóreo.