Euskal herriko industrializazioa txuleta
Enviado por Chuletator online y clasificado en Historia
Escrito el en vasco con un tamaño de 22,98 KB
el intruso
KOKAPENA
Testua narrativo-soziala da, historiografikoa. Egilea Blasco Ibáñez da eta hartzailea,
irakurleak. Data 1904koa da eta gaia Bizkaiko meatzarien egoera XX. Mendeko
hasieran. Garaia: Alfontso XIIIaren erregealdian.
ULERMENA
Egileak aipatzen du peoien etxea meatzariak bizi ziren etxeei deitzeko. Hurrengo
parrafo osoan zehar barrakoietako ez higieniko baldintzei buruz hitz egiten du. Lanaldi
gogor bat jasan eta gero, afari txar bat hartu eta gero, langileak barrakoietara joaten
ziren lo egitera eta han arroparekin lo egin behar zuten. Ezin zen arnasarik hartu,
parasitoak familiakoak ziren, zikinkeria bizia zen,... Hurrengo parrafoan lanari berari
buruz hitz egiten du; meategiari harrobia deitzen dio eta harrobia meategia baino
arriskutsuagoa dela esaten du han lan egiteko prestakuntza beharrezkoa ez baita. Hara,
goseak bultzatuta, pertsona asko heldu ziren haien nekazaritza-lanak utzi eta gero eta,
protagonistaren ustez, Enkarterrirainoko gizonen korronte hori bukatu arte, lan-
baldintzak hobetzea oso zaila izango zen.
TESTU INGURUA
Artikulu honen garai historikoa Berrezarkuntza da. Sistema politiko horrek borbordarren
monarkia kontserbadorea ezarri zuen. Politikan: alderdibiko txandaketa, iruzurkeria,
zentralismoa eta katolizismoa. Ekonomian: atzerapen ekonomikoa eta industrializazioa
fokalizatuta (Katalunian eta Euskadin). Berrezarkuntzaren oposizioan langile
mugimendua eta nazionalismoak. Euskal Herrian, batez ere Bizkaian industrializazioa
garatu zen.
Industrializazioaren hasieran sektorerik inportanteena meagintza zen, kanpoko
kapitalekin hemengo meategiak ustiatu ziren eta burdin mea, kalitate onekoa eta ugaria
zenez, Ingalaterrara esportatzen zen. Harreman kolonialak ziren, baina meategietako
jabek dirua pilatu zuten eta gero burdingintzan inbertitu zuten. Baina gure industria
garatzeko funtsezkoa zen barne merkatua kontrolatzea, horretarako neurri
protekzionistak eskatu zizkioten Madrilgo gobernuari.
Euskal industriak eskulan ugaria behar zuen, horrexegatik langile asko, batez ere
gizonak, nekazal ingurutik hemengo meategietan edo industrian lan egiteko etorri ziren.
Horiek lan eta bizi baldintza oso gogorrak ziren( etxebizitzak pobreak, barrakoiak,
kantinetan erosteko beharra, lan baldintza zailak, soldata txikiak, lan arriskutsuak,
gaixotasunak..) . Meategietako giroa izan zen beste lan motakoak baino txarragoa.
Meategien ondoan jabeek barrakoiak eraiki zituzten hauetan, derrigorrez, meatzariak
bizitzeko. Askotan zerbitzu higienikoak ez zituzten eta barruan ehun edo ohe gehiago
zeuden. Eta hori nahikoa izango ez bazen, meatzariak behartuta egon ziren enpresak
jarritako dendetan denetarik erostera, prezioak altuegiak eta kalitatea baxuegia izanda.
Blasco Ibañezen eleberrian oso ondo ulertzen da nola bizi ziren garai hartako
meatzariak, industrializazioaren hedapena gertatu zen bitartean. XIX. Mendearen azken
laurdenean Bizkaiko biztanleria oso modu desorekatu batean igo zen eta langileen bizi-
baldintzak ia-ia jasanezinak izan ziren. Gehienak Espainiako iparraldeko mesetatik etorri
2
ziren eta askotan sasoikakoak ziren eta nekazaritza-lanak egin behar ez zituztenean,
hona etorri ziren lan baten bila eta lortutako lana eta bizi baldintzak oso txarrak izan
ziren.
Horren ondorioz langile mugimendua sortu zen. Sozialismoa izan zen ideologiarik
hedatuena. Sozialismoak klase gabeko gizartea eta bizitza politikoan parte hartzea
langileen interesak defendatzeko defendatzen zituen. Bere estrategian grebak eta
hauteskundeak sartzen ziren. Sozialistek 1879 PSOE sortu eta 1886 Facundo
Perezaguak Bizkaiko lehenengo elkarte sozialista sortu zuen Bilbon.
90.Hamarkadan zehar greba batzuk egin zituzten, hain zuzen ere 1890ekoa. Hori
izan zen meatzarien lehen greba garrantzitsua. Kausak: soldata errealaren jeitsiera,
derrigorrezko dendetan erostea. Grebaren pizgarria maiatzaren bateko ospakizunaren
ondorioz Orconerako zuzendaritzak 5 meatzari kanporatu zituen ospakizuna antolatzeko.
Greba siderurgia eta ontzigintzara hedatu zen, 30.000 langile geldiaraziz.. Haien
helburuak ziren: langileak onartzea, 10 orduko lanaldia jartzea eta derrigorrezko dendak
eta barrakoiak debekatzea. Gobernuak armada bidali eta gerra egoera aldarrikatu zuen.
Greba bukatu zen Loma jeneralak bere bandoa aldarrikatu zuenean bere helburuekin.
Garaipena erlatiboa, lehenengoa bete zuten bigarrena ez. Horrexegatik gero grebak
errepikatu ziren: 1891, 1892.
Baina helburuak ez ziren lortu, hurrengo grebetan eskaera berdinak agertu
zirelako. Adibidez, 1903ko greban. Oso gogorra izan zen. Armadaren parte hartzea eta
gerra egoera aldarrikatu. Zappino jeneralaren bandoarekin bukatu zen : asterako
ordainketa bermatu eta derrigorrezko dendak eta barrakoiak kendu. Oraindik 1906an
langileek Lomaren bandoarena eskatzen zuten. Horrek langilearen mugimenduaren
ahulezia erakutsi zuen.
1910eko meatzarien greba oso arrakastatsua izan zen lanaldia bederatzi ordu
eta erdia murriztea onartu zuen. Langile abertzaleek erreakzionatu zuten eta, jarrera
horrekin ados ez zeudenez, euren sindikatua eratu zuten: Euzko Langileen
Alkartasuna (ELA/STV). Bere helburua zen euskal langileen batasuna lortzea.
Abertzaleentzak sozialismoa ideologia zorrotza zen. 1911ko grebaren porrotaren
ondoren sozialismoaren barruan joera moderatuak nagusitu ziren. Horien ordezkaria
Indalecio Prieto zen. Horrela hauteskundeetan parte hartu zuten. Sozialismotik sortu
zuen alderdi berri batek, Komunista. Sozialismoa finkatu zen. II. Errepublikan.
TESTUAREN GARRANTZIA:
Nahiz eta testua eleberri batetik hartua izan, oso argi ikusten dira garai hartako
industrializazioaren ondorioak: soldata baxuak, eguzkitik eguzkirako lanaldiak,
etxebizitza ez-higienikoak, meategietako jabeen abusuak, ... Gauza hauek guztiek
bultzatuko zuten langile-mugimendu indartsu bat, sozialismoak gidatuta eta denborak
pasa ahala, grebak (1890, 1896, 1910koak,...), haien baldintzak hobetzeko.