Euskal esamoldeak eta esanahiak: 78 adierazpen azaltzen

Bazterrak harrotzen dabil: Iskanbila sortzen ari da.

Zepelin galanta harrapatu genuen: Mozkor galanta harrapatu genuen.

Nik segurutik jokatuko nuke: Nik, badaezpada ere, ziurtasunez jokatuko nuke.

Zuk esan duzunak ez dauka ez buru, ez hankarik: Zuk esan duzuna zentzugabekeria da.

Egin ezazu Jainkoa zahartu baino lehen: Noizbait egin ezazu.

Tximistak harturik joan zen: Korrika eta presaka joan zen.

Txapela batez bi buru estali nahian zabiltza: Gauza elkartezinak egin nahian zabiltza.

Putza ere ez izan eta puzkerra dela uste: Bere buruari den baino gehixeago iritzi.

Andoni beldurrak aidean dabil: Andoni beldurrak ebakita dago.

Tori eta tati egin zidan: Eskaini eta ez zidan eman.

Bizitzaren gazi-gezak ohikoak dira: Bizitzak dituen gorabeherak normalak ohi dira.

Hau neska kaskarina!: Hau neska txoriburua!

Berakatza baino finagoa zara zu: Fina, xarmanta eta iaioa zara zu.

Bostekoa luzatu zion: Eskua eman nahi zion.

Usteak erdi ustel: Uste duguna eta errealitatea gauza ezberdinak dira.

Bai, zakurraren bibolina!: Bai, baita zera ere!

Ume honek a zer kasketak dituen!: Haserraldi gogorrak ditu ume honek.

Bat nator zurekin: Zurekin ados nago.

Hezur berriturik itzuli da etxera: Erabat sendatuta itzuli da etxera.

Berebiziko afaria egin genuen: Apartako afaria egin genuen.

Ilea saretzen ari zaizu: Burusoil gelditzen ari zara.

Zalditik astora eta astotik lurrera: Gauzak okertuz joan.

Belarrixkina berotuko dizut: Bizkarra berotuko dizut.

Honelako gauzak muin emanda hartzekoak dira: Honelako gauzak estimazio handiz hartzekoak dira.

Hori eta ahuntzaren gauerdiko eztula...bat!: Hori eta zakurraren putza... bat!

Esan bazuen, esan zuen…: Ez dakit nola bururatu zitzaion halakorik esatea.

Esaten badut, esan!: Esaten badut, dena kontatuko dut.

Ez nuke inondik inora egingo: Ez nuke inolaz ere egingo.

Horrek ere atzean zuloa!: Horrek ere akatsen bat badauka.

Orpoz orpo jarraitu zitzaidan: Gertutik jarraitu zitzaidan.

Zehatz-mehatz azaldu zidan: Xehetasun guztiekin azaldu zidan.

Horrek jakin kuanto!: Horrek bai jakin!

Hori eta ganbaran laia aritzea...bat!: Alferrikako lana egin.

Anaiaren buruan ilea besterik ez da jaio: Anaia ergela da.

Filme hori garizuma baino luzeagoa da: Film hori oso luzea da.

Umeei ez zaie laineza eman behar: Umeei ez zaie haizea eman behar.

Asteak guretzat bi ostiral ditu: Gu oso pobreak gara.

Futbola ikustera lantzean behin joaten gara: Futbola ikustera noizean behin joaten gara.

Osasunez urratu!: Zerbait berri gozatu.

Aitonak arima hortzetan dauka: Aitona hiltzear dago.

Seko gelditu da: Zerraldo gelditu da.

Larunbatero zabu-zabuka ibili ohi da: Larunbatero zialdoka ibili ohi da.

Amona zena Mutilokoa zen: Hildako amona Mutilokoa zen.

Iñakik muin egin dio irudiari: Iñakik musu eman dio.

Dantzaldian azak eman zizkidaten: Dantzaldian ez zuten nirekin dantzatu nahi izan.

Nahitaez joan beharra dago: Derrigorrez joan beharra dago.

Mikel kamino betean joan zen etxera: Mikel total eginda joan zen etxera.

Hori beti mauka hutsik ibiltzen da: Hori beti alkandora hutsik ibiltzen da.

Kukuak oker jo digu: Zorte txarra izan dugu.

Maritxuren semea haur lorea da: Maritxuren semea haur lasaia da.

Neska horrek buruan ere hesteak ditu: Neska hori jatun handia da.

Bere burua zuritzen saiatu da: Bere burua garbitzen saiatu da.

Aho bete hortz utzi ninduten: Guztiz harrituta utzi ninduten.

A zer tximak dituzun!: A zer sapak dituzun!

Aintzanek begi loreak zituen: Aintzanek oso begi eztiak zituen.

Babalore horrek ez daki ezer: Inuzente horrek ez daki ezer.

Hori egin behar dugula buruak eman dio: Hori egin behar dugula bururatu zaio.

Hori gizon puska!: Hori gizon handia!

"Udaberriko larrosa" esan zidan Arkaitzek: Lore bat bota zidan Arkaitzek.

Ez dugu amore emango: Ez dugu etsiko.

Eguzki galdatan ezinda lanik egin: Eguzkiaren saparen azpian ezin da lanik egin.

Buruz buru esan zidan: Aurrez aurre esan zidan.

Hau, mutila, hau! Mutur aurrean daukazu eta!: Hau, mutila hau! Parez pare daukazu eta!

Uste ez genuen zakurrak egin digu zaunka: Espero ez genuen zerbait gertatu zaigu.

Geure buruaren jabe bagina, beste kuku batek joko liguke: Geure buruaren jabe bagina, gauzak ezberdinak izango lirateke.

Ez zaitez hor gera behiaren bosgarren txahala bezala!: Ez zaitez aho zabalik gera!

Hori lumatu gabeko txorikumea da: Hori ume mukizua da.

Hori neska matraka!: Neska bihurriei esaten zaie.

Esku ona duzu: Idazkera txukunez idazten duzu.

Liburua aditu batean ikusi dut: Liburua azaletik aztertu dut.

Total eginda etorri zen bilerara: Ink eginda etorri zen bilerara.

Hori beti egoten da hileta jotzen: Hori beti kexaka ibiltzen da.

Ekarriko ez dut, bada!: Horixe ekarriko dudala!

Sartu-irten bat egin eta joan egingo gara: Bisita laburra egin eta joan egingo gara.

Handia da horratio!: Handia da, gero!

Gaur zortzi ezkonduko gara: Gaur asteazkena bada, datorren asteazkenean ezkonduko dira.

A zer patata daukazun galtzerdian!: A zer zuloa daukazun galtzerdian!

Arkusunka dabil: Doministikuka dabil.