Estratexias de Xestión da Calidade e Publicidade

Xestión da Calidade e Estratexias de Publicidade

A xestión da calidade consiste no establecemento dun conxunto de normas e procedementos, asumidos por toda a organización, destinados a articular o seu funcionamento, co obxectivo de mellorar a satisfacción e expectativas das persoas ás que serve.

Procesos na Xestión da Calidade

Procesos estratéxicos: son aqueles que definen, soportan e despregan as estratexias da entidade. Ex: xestión de recursos humanos, documentación, prevención de riscos…

Procesos clave: engloban o conxunto de actuacións destinadas a alcanzar o obxectivo fundamental. Ex: se se trata dun centro asistencial, comprenderán os procesos de acollida, as actividades e servizos ofertados, colaboración coa familia… Estes procesos adoitan ser os que teñen maior impacto na opinión das persoas usuarias e as súas familias.

Procesos de apoio: son os que facilitan o control e a mellora da xestión e serven de soporte aos procesos clave. Ex: xestión administrativa, mantemento, limpeza.

Documentos Clave

Carta de servizos: é un documento no que a institución informa e comprométese de maneira pública en relación coa calidade e o servizo ofertado.

Indicadores de calidade: son uns ítems facilmente identificables, pero significativos, para medir de maneira fiable a calidade dos diferentes aspectos e procedementos.

Tipos de Publicidade

Publicidade Comercial

É unha actividade con ánimo de lucro para a empresa anunciante, que ten como finalidade provocar a compra do conxunto dos produtos e servizos por parte das persoas ás que se dirixe. É a forma máis manifesta da publicidade, pois constantemente recibimos impactos publicitarios e estes adoitan condicionar a toma de decisións nas nosas accións de consumo.

Publicidade Social

É unha actividade, xeralmente sen ánimo de lucro, que ten como finalidade concienciar, educar, sensibilizar ou provocar un cambio de actitude nas persoas sobre determinados temas. Desde esta promóvense valores como a xustiza, tolerancia, solidariedade, cooperación… Pode ser de dous tipos:

1. Publicidade institucional: realizada por organizacións públicas e ten como finalidade informar á cidadanía dos seus dereitos e servizos que a administración ten á súa disposición.
2. Publicidade das organizacións non gobernamentais: lévana a cabo co obxectivo de informar e concienciar á cidadanía respecto ás realidades sociais inxustas.

Publicidade Política

Ten como finalidade informar sobre os proxectos dun grupo político para conseguir o apoio e votos dos electores. Este tipo de publicidade é moi cercana á propaganda, incluso ás veces, o seu límite confúndese.

Publicidade Non Sexista

Busca actualizar os roles de xénero, evitar que o produto sexa exclusivamente para home/muller, utilizar actores e actrices, voz en off e linguaxe para ambos sexos, representar ás mulleres como persoas activas con obxectivos propios visibilizando a súa aportación, mostrar ás mulleres capaces de controlar as súas emocións sen asocialas a signos de inestabilidade mental, representar o corpo de forma saudable non seguindo os estándares de beleza, non utilizar ás mulleres como obxecto de desexo e reclamo, evitar famosos, avanzar na representación da diversidade funcional, formar aos publicitarios en materia de perspectiva de xénero.

Difusión Publicitaria

Materiais Impresos

Carteis: captan a atención en lugares de movemento.

Folletos: distribución manual ou en algún punto, máis fácil e económica.

Pancartas: son moi útiles para dar a coñecer un evento ou proxecto como información ou recordatorio, en puntos estratéxicos.

Anuncios en prensa: revistas, prensa, periódicos.

Materiais Audiovisuais

Radio: difusión de mensaxe moi ampla, micropropagandas, consultorios, podcast, programas patrocinados, palabras e ráfagas.

Televisión: maior impacto, spot, patrocinio, sobreimpresión.

Tecnoloxías da Información e Comunicación: páxinas web, redes sociais especificando cales, banners, layers…

Outros Soportes

Partes traseiras de bus, chapas, pegatinas, marcadores…

Modelo AIDA

Modelo baseado na aprendizaxe: sosteñen que as persoas pasan por unha sucesión de etapas ata que deciden adquirir ou non un produto. Este é o máis utilizado e o que nos permite ver con maior claridade esta sucesión de 4 fases (busca basearse no comportamento do consumidor coa finalidade de descubrir o que pensa, necesita e desexa). A idea é reducir o tempo e a fricción no proceso de compra.

• Captar a atención
• Despertar o interese
• Provocar o desexo
• Inducir á acción ou compra do produto

Mecanismos de Difusión Dixital

1. Difusión a través da propia páxina web ou en:
2. Banners: unha imaxe (banner) nun lugar visible da páxina web, cando premes leva á páxina anunciante.
3. Cortinilla: aparece antes de entrar á páxina á que se quere acceder e ocupa toda a pantalla.
4. Layers: formatos flotantes ou animacións que se moven pola páxina.
5. Ventas emerxentes ou pop up ou pop under
6. Patrocinios: páxinas que reciben un apoio económico a cambio de anunciar unha entidade que ofrece dito apoio. Móstrase na páxina web e se se clica leva á web principal.
7. Busqueda dun bo posicionamento nos buscadores
8. Redes sociais: especificar cal.
9. Vía email
10. Ciberspot