Errusia: 1917ko Iraultza Aurreko Egoera Ekonomikoa

1. 1917ko iraultza aurreko errusiar ezaugarriak

• Ekonomia-atzerapen oso nabaria.
• Pentsamolde eta gizarte-egitura oso atzeratuak.
• Geografiaren handitasuna.
• Demografia oso handia, erosahalmen txikiarekin.
• Garraiobideen garapen eskasa.

2. Nekazaritzaren egoera eta erreforma saioak

Nekazaritzaren garapen eskasa industrializaziorako oztopo nagusia izan zen.

Nekazaritza Erreforma Handia (1861)

• Estatuak lurrak erosi zizkien lur-jabe handiei.
• Lurrak tokiko komunei (Mir) saldu zizkien: estatuarekiko zorra sortu zen.
• Mir komunek familien artean lurrak banatu eta birbanatu zituzten.
• Hobekuntzarako motibaziorik eza: ekoizkortasun-maila oso baxua.
• XIX. mendearen azkenaldian eta XX. hasieran gatazkak sortu ziren.

Stolypinen erreforma (1906)

• Mir komunak baztertu eta jabetza pribatua sustatu zen.
• Estatuarekiko zorrak kitatu ziren.
• Siberiako kolonizazioa bultzatu zen.
• Helburua: nekazari-klase sendoa sortzea.
• Erreformaren eragin mugatua: Lehen Mundu Gerra (1914) eta boltxebikeen iraultza (1917) gertatu ziren.
• Hala ere, Errusia munduko lehen gari-esportatzailea bihurtu zen.

3. Industriagintza

• XIX. mendearen azken zatian (1880-1890): % 8ko igoera.
• 1880-1905: Estatuaren parte-hartzea (eskaria eta protekzionismoa).
• Teknologia: Mendebaldeko Europatik ekarria eta erabilera berantiarra (harrikatza eta lurrun-makina).
• Jopuen eskulana enplegatu zen 1861. urtera arte.
• Tamaina handiko enpresak nagusitu ziren (industria astuna).
• Natura-baliabide ugari (petrolioa, burdina, harrikatza...).
• Trenbidea: Estatuaren parte-hartzea atzerriko inbertsio pribatuekin (barneko burdinagintzarako eskari handia).

Lehen Mundu Gerraren bezperan

• Burdinagintza-alorrean, munduko 4. ekoizlea zen.
• XIX. eta XX. mendeko industria-hazkundea nabarmena izan zen.
• Per capita errenta oso baxua.
• Ekonomia-sektoreen arteko desoreka:
  • Industria modernizazio-prozesuan.
  • Nekazaritza-sektorea oso atzeratuta.
  • Industria: populazio aktiboaren % 5 eta BPGaren % 20.

4. Industrializazioaren finantzazioa

Bi bide nagusi erabili ziren:

• Nekazaritza-sektorearen ekarpena: zerga-sistema oso gogorra eta zerealen esportazioa.
• Atzerriko ekarpena: Mendebaldeko finantza-kapitalak eta teknikari kualifikatuen ekarpena.